Բրեդ Շերման. ԱՄՆ վարչակազմի կողմից Հայաստանին առաջարկվող օգնության ծավալը բացարձակապես անհամազոր է14 փետրվարի 2008 - 17:13 AMT PanARMENIAN.Net - Կոնգրեսական Բրեդ Շերմանը երեկ ԱՄՆ Ներկայացուցիչների պալատում միջազգային հարցերով հանձնաժողովում լսումների ժամանակ, որոնց ներկա էր ԱՄՆ պետքարտուղար Քոնդոլիզա Ռայսը, անհանգստություն է հայտնել Հայաստանին ԱՄՆ վարչակազմի կողմից 2009 թվականի համար առաջարկված ֆինանսական օգնության ծավալի հարցով, հաղորդում է Ամերիկայի Հայկական Համագումարը:Ի պատասխան հայտարարության, Քոնդոլիզա Ռայսը նշել է, որ Հայաստանին նաեւ ֆինանսական օգնություն է տրամադրվում «Հազարամյակի մարտահրավերներ» ծրագրի (MCA) շրջանակներում: 2006 թվականի մարտին այդ ծրագրի շրջանակներում ԱՄՆ-ն եւ Հայաստանը հնգամյա պայմանագիր են կնքել, որը ենթադրում է $235,6 մլն-ի չափով գումար տրամարդել Հայաստանի գյուղական շրջաններում աղքատության մակարդակը նվազեցնելու եւ գյուղատնտեսության զարգացման համար: Իր հերթին, Բրեդ Շերմանը հայտարարել է, որ ԱՄՆ վարչակազմի կողմից Հայաստանին առաջարկվող օգնության ծավալը բացարձակապես անհամազոր է եւ Հայաստանի օգնությունը չպետք է կրճատվի հանրապետությանը «Հազարամյակի մարտահրավերների» շրջանակներում օգնության պատճառով: «Իմ գործընկերների հետ համատեղ ես պայքարելու եմ այս անարդարության դեմ»,- հայտարարել է կոնգրեսականը: «Մենք պաշտպանում ենք կոնգրեսական Բրեդ Շերմանի դիրքորոշումը եւ մեր դժգոհությունն ենք հայտնում վարչակազմի կողմից ներկայացված բյուջեի նախագծի առնչությամբ: Մենք կանենք հնարավոր ամեն ինչ Հայաստանի օգնության ծավալը մեծացնելու համար»,- հայտարարել է AAA-ի գործադիր տնօրեն Բրայան Արդունին: Նշենք , որ ԱՄՆ-ի 2009 ֆինանսական տարվա բյուջեում նախատեսվում է նաեւ 24 մլն դոլարի տնտեսական օգնություն հատկացնել Հայաստանին, ինչը մինչ օրս վարչակազմի առաջարկած ամենափոքր չափն է: Սա 34 մլն դոլարով քիչ է նախորդ տարի Կոնգրեսի հաստատած օգնության չափից, եւ 11 մլն դոլարով քիչ է 2008 ֆինանսական տարում վարչակազմի առաջարկած օգնության չափից: Ինչպես նախորդ տարիներին, վարչակազմի առաջարկած բյուջեի տարբերակում նախատեսվում է անհավասար չափերի ռազմական օգնություն հատկացնել Ադրբեջանին ու Հայաստանին: Բյուջեի ծախսերի մասով առաջարկվում է 3 մլն դոլարի օտարերկրյա զինված ուժերի ֆինանսավորում (FMF) հատկացնել յուրաքանչյուր երկրին, սակայն Ադրբեջանին նախատեսվում է 600,000 մլն դոլարով ավելի օգնություն հատկացնել, քան Հայաստանին (300,000 մլն դոլար)` միջազգային ռազմական ուսուցման ու մարզումների (IMET) ծրագրեր իրականացնելու համար: Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական | ԶԼՄ. ՀՀ–ն դիտարկում է Իրանի Չաբահար նավահանգստում India Ports Global Ltd. & Ports օպերատորի հետ գործակցության տարբերակը Ստեղծվել է միջգերատեսչական աշխատանքային խումբ Ռուբինյան․ Թուրքական կողմից սահմանի բացմանն ուղղված քայլեր չենք տեսել «Մենք ակնկալում ենք, որ այդ պայմանավորվածությունը կկատարվի»,-ասել է Ռուբինյանը O’Բրայենը՝ Փաշինյանին․ ԱՄՆ–ն շարունակելու է աջակցությունը ՀՀ կառավարությանը՝ առաջ մղելու բարեփոխումները Փաշինյանն ընդգծել է ԱՄՆ աջակցությունն ուղղված Հայաստանում իրականացվող ժողովրդավարական բարեփոխումներին Idcoin. IDBank-ի հավատարմության համակարգի նոր գործիքը Մեկ idcoin-ը հավասար է մեկ դրամի |