  ԵԱՀԿ ԱԳՆԽ նիստում կքննարկեն ղարաբաղյան կարգավորումը 8 նոյեմբերի 2017 - 16:55 AMT PanARMENIAN.Net - Ղարաբաղյան հակամարտության կարգավորման հարցը կքննարկվի Վիեննայում՝ ԵԱՀԿ անդամ երկրների ԱԳ նախարարների խորհրդի (ԱԳՆԽ) նիստի շրջանակում: Նախարարների հանդիպումը տեղի կունենա դեկտեմբերի 7-8-ը Ավստրիայի մայրաքաղաք Վիեննայում, հայտնում է կազմակերպության գործող նախագահի մամուլի ծառայությունը: «ԵԱՀԿ-ում Ավստրիայի նախագահության հիմնական գերակայությունները, որոնք քննարկվելու են հանդիպման ժամանակ, լինելու են ԵԱՀԿ տարածքում հակամարտության գոտիներում լարվածության նվազեցումը, պայքարը ծայրահեղականության և ահաբեկչության դեմ, ինչպես նաև կազմակերպության շրջանակում վստահության վերականգնումը: Սակայն, չնայած, որ ղարաբաղյան հակամարտության կարգավորումը հանդիպման առանձին թեմա չի լինելու, պատվիրակությունները հնարավորություն կունենան անդրադառնալու այդ հարցին իրենց ավանդական հայտարարություններում»,-ասվում է հաղորդագրության մեջ: Ըստ հաղորդագրության, նախորդ տարիներին ԱԳՆԽ շրջանակներում եղել են ԵԱՀԿ ՄԽ համանախագահների հանդիպումներ ղարաբաղյան կարգավորման վերաբերյալ: Վիեննայում նախագահելու է Ավստրիայի գործող ԱԳ նախարար Սեբաստիան Կուրցը: ՀՀ ԱԳ նախարար Էդվարդ Նալբանդյանը կարող է հանդիպել իր ադրբեջանցի պաշտոնակից Էլմար Մամեդյարովի հետ նոյեմբերի 16-ին Մոսկվայում՝ ԵԱՀԿ Մինսկի խմբի համանախագահների հետ բանակցությունների շրջանակում:Մամեդյարովը նշել է, որ հանդիպելու է ԵԱՀԿ ՄԽ համանախագահների հետ նոյեմբերի 16-ին Մոսկվայում: Ըստ նրա, նոյեմբերի 15-ին այցով Մոսկվա կժամանեն ՀՀ նախագահ Սերժ Սարգսյանն ու ԱԳ նախարար Էդվարդ Նալբանդյանը և վերջինիս հետ հանդիպում կարող է կազմակերպվել ԵԱՀԿ ՄԽ համանախագահների հետ հանդիպման շրջանակում: Հղումներ թեմայով.   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
