Facebook-ի նախկին տնօրեն. Միայն Աստծուն է հայտնի, թե ինչպես է սոցցանցն ազդում մեր երեխաների վրա

11 նոյեմբերի 2017 - 13:55 AMT

PanARMENIAN.Net - Facebook-ի նախկին տնօրեն Շոն Փարքերը քննադատել է սոցցանցի ազդեցությունն ուղեղների վրա: Փարքերը, լինելով ընկերության հիմնադիրներից մեկն ու առաջին նախագահը, խոսել է այդ մասին Ֆիլադելֆիայում Axios-ին տված հարցազրույցում:

Երբ սոցցանցը նոր էր ստեղծվում, Փարքերն, իր խոսքերով, պատկերացնել անգամ չէր կարող, թե դա ինչի կվերածվի: «Սոցցանցը ստեղծելիս այսպես էինք մտածում՝ ինչպես հնարավորինս զբաղեցնենք մեր ժամանակն ու հնարավորինս երկար ուշադրությունը շեղենք: Դրա համար հարկավոր է դոֆամինի կանոնավոր ներարկումներ՝ դա տեղի է ունենում ամեն անգամ, երբ ինչ-որ մեկը հավանության նշան է դնում կամ մեկնաբանում է ձեր գրառումը կամ լուսանկարը: Այդ ժամանակ էլի ինչ-որ բան եք գրում կամ տեղադրում...և կրկին հավանություն ու մեկնաբանություններ եք ստանում»:

«Մենք չէինք կարծում, որ սոցցանցն, աճելով, միլիարդավոր օգտատերեր կունենա, և դա կփոխի հարաբերությունները»,-ասել է Փարքերը, գրում է BBC-ին:

«Միայն Աստծուն է հայտնի, թե ինչպես է սոցցանցն ազդում մեր երեխաների ուղեղների վրա», ասել է Facebook-ի նախկին տնօրենը: Մինչդեռ Փարքերն ունի իր ֆեյսբուքայն էջ, սակայն, իր խոսքով, նա օգտագործում է այդ հարթակը՝ թույլ չտալով, որ հարթակն օգտագործի իրեն:

Փարքերը ճանաչում ստացավ ՏՏ ոլորտում՝ ստեղծելով աշխարհում առաջին երաժշտական փոխանակիչը՝ հայտնի Napste-ը:

Հղումներ թեմայով.

BBC: Экс-президент Facebook раскритиковал соцсеть за воздействие на мозг