«Ֆիլիպ Մորիսը» գիտահետազոտական կենտրոն կհիմնի Պոլիտեխնիկում 5 դեկտեմբերի 2017 - 18:19 AMT PanARMENIAN.Net - Դեկտեմբերի 5-ին Հայաստանի ազգային պոլիտեխնիկական համալսարանը և «Ֆիլիպ Մորրիս Արմենիա ՍՊԸ»-ն ստորագրեցին փոխըմբռնման հուշագիր, որով նախատեսվում է Հայաստանում «Ֆիլիպ Մորրիսի» գիտական և կրթական հետազոտություններ (R&D) իրականացնող կենտրոն ստեղծել: Կենտրոնը Պոլիտեխնիկի հետ գործակցությամբ կիրականացնի հետազոտական աշխատանքներ, կմշակի կրթական ծրագրեր: «Ֆիլիպ Մորրիս Արմենիա»-ի գլխավոր տնօրեն Նատալիա Մայորովայի խոսքով՝ կենտրոնը հնարավորություն կտա հայ երիտասարդներին ոչ միայն իրականացնել գիտահետազոտական աշխատանքներ, այլև գործակցել համաշխարհային հեղինակություն վայելող ավելի քան 400 գիտնականի հետ: «Ընկերությունը կընդլայնի իր գործունեությունը Հայաստանի գիտահետազոտական ոլորտում՝ հաշվի առնելով երկրի գիտական, տեխնոլոգիական փորձառությունն ու ներուժը», - ասաց Նատալիա Մայորովան։ ՀԱՊՀ ռեկտոր Ոստանիկ Մարուխյանի խոսքով՝ կենտրոնը հայաստանյան իրականության մեջ բուհ-գործատու գործակցության լավագույն օրինակներից է: «Ծրագիրը նոր սերնդի լաբորատորիաների ստեղծման հիմք է դառնալու, այն հնարավորություն կտա նաև համտեղ աշխատել կրթական մրցունակ ծրագրերի մշակման շուրջ», -ասաց Մարուխյանը: «Մեզ համար մեծ պատիվ է Պոլիտեխնիկական համալսարանի հետ գործակցելը: Տպավորված ենք Հայաստանի գիտական ներուժով, և սա է պատճառը, որ որոշեցիքն ներդրումներ անել այստեղ: Վստահ ենք, որ այս գործակցությունից կշահի ինչպես բուհը, այնպես էլ հանրությունը», - ասաց ընկերության արտադրանքի հետազոտության և ՄՍ գծով տնօրեն Լուկա Ռոսսին: «Ֆիլիպ Մորիս» ընկերության գիտահետազոտական կենտրոններ են տեղակայված Շվեյցարիայում և Սինգապուրում: Կենտրոններում ներկայումս կատարվում են հիմքային ու կիրառական հետազոտություններ քիմիայի, կենսաբանության, ֆիզիկայի, մաթեմատիկայի, ինժեներության, թերմոդինամիկայի և այլոլորտներում։ «Ֆիլիպ Մորիս Ինթերնեյշնլ»-ը միջազգային ծխախոտային առաջատար ընկերություն է, որի արտադրանքը վաճառվում է մոտ 180 երկրում: Ընկերությանը պատկանում է 56 արտադրող գործարան՝ տեղակայված աշխարհի 33 երկրում: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |