Վայոց ձորի պանիրն ու չիրն արտահանվում են ՌԴ, իսկ գինին՝ ԵՄ և ԱՄՆ 9 դեկտեմբերի 2017 - 16:48 AMT PanARMENIAN.Net - 2017-ին Վայոց ձորի մարզում «Գոլդեն Գոութ» ընկերության արտադրած 137 տոննա պանրի 90%-ն արտահանվել է ՌԴ, մնացածն իրացվել է ՀՀ-ում: Այս մասին ՀՀ գյուղնախարարության տեղեկատվության և հասարակայնության հետ կապերի վարչության փոխանցմամբ, հայտնել է ընկերության տնօրեն Խաչիկ Մարտիրոսյանը գյուղնախարար Իգնատի Առաքելյանի մարզ կատարած աշխատանքային այցի ընթացքում: Նրա խոսքով՝ պանրի արտադրության ծավալները տարեկան աճում են 10-15%-ով: Մարզում չոր մրգի արտադրությամբ զբաղվող «Ալ Վկուս» ընկերությունը 2017-ին մթերել է մոտ 300 տոննա պտուղ: Ողջ արտադրանքը դարձյալ արտահանվել է ՌԴ: Մարզի գինեգործական «Տրինիտի Կանյոն այգիներ» ընկերության արտադրած գինիների 60-70%-ը 2017-ին արտահանվել է Եվրոպա, ԱՄՆ, ինչպես նաև իրացվել է տեղական շուկայում: Մարզպետ Հարություն Սարգսյանի խոսքով` մարզում խաղողի արտադրության աճ է գրանցվել, ավելացել են պտղի և խաղողի այգետարածքները: Ընթացիկ տարվա մեջ ֆերմերները 40 մլն դրամի վարկեր են ստացել: «Վայոց ձորի համար միանշանակ գերակա ուղղություն է գինեգործությունը, մենք ունենք խաղողի էնդեմիկ սորտեր, որոնք աշխարհում չեն կրկնվում: Անասնապահությունը խորհրդային ժամանակներից եղել է երկրի գյուղատնտեսության հիմնական ուղղություններից մեկը, և մենք պետք է մտածենք նաև մարզում այն վերականգնելու և առավելագույն ծավալներ ապահովելու մասին, քանի որ ունենք մեծ պահանջարկ ինչպես հարևան երկրներում, այնպես էլ ներքին շուկայում»,- ասել է Իգնատի Առաքելյանը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |