  Փորձագետ. Մխիթարյանի տրանսֆերը կարող է Մոուրինյոյի հերթական սխալը դառնալ 21 դեկտեմբերի 2017 - 17:51 AMT PanARMENIAN.Net - «Մանչեսթեր Յունայթեդի» և Հայաստանի հավաքականի կիսապաշտպան Հենրիխ Մխիթարյանի տրանսֆերը կարող է պորտուգալացի մարզիչ Ժոզե Մոուրինյոյի հերթական սխալը դառնալ: Այդպիսի կարծիք է հայտնել գերմանացի փորձագետ Ռաֆայել Հոնիգշտեյնը Daily Star-ին: Նա հիշեցրել է, որ ՄՅՈւ-ի մարզիչն իր կարիերայի ընթացքում բազմիցս է քննադատության ենթարկվել առաջնակարգ ֆուտբոլիստներին վաճառելու համար, որոնք հետո այլ ակումբներում գերազանց են իրենց դրսևորել: Մասնավորապես, խոսքը Մոհամմեդ Սալահի, Քևին դե Բրեյնեի և Ռոմելու Լուկակուի մասին է: «Սալահն այժմ Պրեմիեր լիգայի լավագույն ռմբարկուն է, Դե Բրեյնեն կիսում է գոլերի լավագույն ասիստենտի կոչումը, իսկ Լուկակուն ակումբից դուրս տպավորիչ ելույթներից հետո 75 մլն ֆունտ ստեռլինգ արժեցավ Մոուրինյոյին»,-ասել է ֆուտբոլային ասպարեզի փորձագետը: Ըստ նրա, նույնը կարող է տեղի ունենալ նաև Մխիթարյանի դեպքում: «Կարծում եմ, դա շատ հավանական է, քանի որ մենք տեսել ենք, թե ինչի է ընդունակ Հենրիխը «Շախտյորում», ինչպես նաև Դորտմունդում, որտեղ Մխիթարյանն ականավոր ֆուտբոլ է ցուցադրել»,-ասել է Հոնիգշտեյնը: Փորձագետը կարծում է, որ եթե ՄՅՈւ-ն վաճառքի հանի Մխիթարյանին, ապա շատերը, հատկապես իտալական ակումբները, կցանկանան ձեռք բերել կիսապաշտպանին,: Լոնդոնի «Տոտենհեմի» նախկին ֆուտբոլիստ և մարզիչ Թիմ Շերվուրդը կարծում է, որ «Մանչեսթեր Սիթիի» գլխավոր մարզիչ Խոսեպ Գվարդիոլան կցանկանար իր թիմի շարքերում տեսնել Մխիթարյանին: «Կարծում եմ, Մխիթարյանը ՄՅՈւ այն մի քանի խաղացողներից է, ում Գվարդիոլան կցանկանար հրավիրել «Մանչեսթեր Սիթի»: Անկասկած, նա համապատասխանում է Խոսեպի խաղային համակարգին՝ ստանալ գնդակը, շրջադարձ անել, շրջանցելով առաջ գնալ»,-ասել է Շերվուդը: Դեկտեմբերի 20-ին Մխիթարյանը ՄՅՈւ կազմում 69-րդ րոպեին փոխարինել է հարձակվող Զլատան Իբրահիմովիչին «Բրիսթոլ Սիթիի» հետ խաղում, որտեղ «Մանչեսթեր Յունայթեդը» պարտվել է 1:2 հաշվով: Դրանից առաջ վերջին անգամ Մխիթարյանը խաղադաշտ էր դուրս եկել նոյեմբերի 25-ին՝ «Բրայթոնի» հետ խաղում: Լուրեր են շրջանառվում, որ այդ խաղից հետո Մխիթարյանը վիճաբանություն է ունեցել Մոուրինյոյի հետ: ՄՅՈւ կազմում Մխիթարյանը 13 գոլի հեղինակ է դարձել 58 խաղում ՝բոլոր մրցաշարերում: Նրա պայմանագիրն ակումբի հետ սպառվում է 2020-ի ամռանը:   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
