Արամ Ա-ն՝ Փոստանջյանին. Սփյուռքը պետք է առանցքային դեր ունենա պետկառույցների ամրապնդման գործում 11 հունվարի 2018 - 11:12 AMT PanARMENIAN.Net - Մեծի Տանն Կիլիկիո Արամ Ա կաթողիկոսը հունվարի 10-ին Անթիլիասի մայրավանքում ընդունել է «Երկիր Ծիրանի» կուսակցության նախագահ Զարուհի Փոստանջյանին: Զարուհի Փոստանջյանը Վեհափառին ներկայացրել է իր տեսակետներն ու մտահոգությունները Հայաստանի ներկա ու առաջիկա քաղաքական ու տնտեսական զարգացումների վերաբերյալ՝ ընդգծելով սփյուռքահայության ավելի ակտիվ դերակատարության անհրաժեշտությանը Հայաստանի հզորացման գործում, ասվում է Մեծի Տանն Կիլիկիո կաթողիկոսության կայքում: Արամ Ա կաթողիկոսն, իր հերթին, շեշտել է, որ Սփյուռքը կոչված է առանցքային դերակատարություն ունենալու պետական կառույցների ամրապնդման գործում: Նա հավելել է, որ հետևաբար, հարկավոր է էլ ավելի ընդլայնել Սփյուռք-Հայաստան գործակցությունը, որպեսզի Սփյուռքի դերակատարությունը դառնա ավելի հետևողական, ծրագրված ու համապարփակ։ Նա նաև հիշեցրել է, որ այս խնդրին անդրադարձել է Հայաստան-Սփյուռք 6-րդ համաժողովում ունեցած իր ելույթում։ Հանդիպմանը ներկա է եղել նաև սփյուռքի նախարարության Լրագրողների համակարգող խորհրդի նախագահ և սփյուռքի նախարարության Հասարակական խորհրդի անդամ Շահան Գանտահարյանը։ Ավելի վաղ հայտնի դարձավ, որ «Երկիր Ծիրանի» կուսակցության նախագահ Զարուհի Փոստանջյանը համահայկական ընդվզման իրազեկման այցերի շրջանակում մեկնել է Բեյրութ։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
