  ՀԱՅԱՍՏԱՆԸ ՄԻՋՈՑՆԵՐ Է ՁԵՌՆԱՐԿՈՒՄ ԱՀԱԲԵԿՉՈՒԹՅԱՆ ՖԻՆԱՆՍԱՎՈՐՈՒՄԸ ԿԱՆԽԱՐԱԳԵԼԵԼՈՒ ՈՒՂՂՈՒԹՅԱՄԲ19 սեպտեմբերի 2002 - 22:45 AMT PanARMENIAN.Net - Հայաստանի կառավարությունը որոշ փոփոխություններ է մտցրել մի շարք բանկային օրենքներում: Ինչպես հայտնել է ՀՀ Կենտրոնական Բանկի նախագահ Տիգրան Սարգսյանը, այդ փոփոխությունները նպատակաուղղված են ահաբեկչության ֆինանսավորման կանխարգելմանը: Նա ընդգծել է, որ 2001 թվականի սեպտեմբերին ՄԱԿ-ը բանաձեւ է ստորագրել ահաբեկչության դեմ պայքարի վերաբերյալ, որին միացել է նաեւ Հայաստանը: «Այդ կապակցությամբ անհրաժեշտություն է առաջացել որոշ փոփոխություններ մտցնել ՀՀ օրենքներում»,- նշել է Տ. Սարգսյանը: Այդ փոփոխությունները, ԿԲ-ի ղեկավարի խոսքերով, հնարավորություն են տալիս բանկերին սառեցնել այն հաշիվները, որոնցից միջոցներ են տրամադրվում ահաբեկչության ֆինանսավորման համար: Նա հաղորդել է, որ ԱՄՆ-ում սեպտեմբերի 11-ի ահաբեկչական գործողություններից հետո, տարածվել են այն ընկերությունների ցուցակները, որոնք կարող են մասնակից լինել ահաբեկչական գործունեությանը: Այդ ցուցակները կան Հայաստանի բոլոր բանկերում եւ վարկային կազմակերպություններում, եւ եթե կասկածի տակ եղած ընկերությունների ներկայացուցիչները փորձեն հաշիվներ բացել հայկական առեւտրային բանկերում, անհապաղ կձեռնարկվեն համապատասխան միջոցառումներ, հայտարարել է ԿԲ ղեկավարը:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
