 Պոպով. ԵԱՀԿ դիտորդական առաքելությունն Արցախում կհամալրվի ևս 7 դիտորդով 26 հունվարի 2018 - 13:02 AMT PanARMENIAN.Net - Կրակովում կայացած Ադրբեջանի և Հայաստանի ԱԳ նախարարների հանդիպման ժամանակ քննարկվել են ռազմական ռիսկերի նվազեցման հետ կապված հարցեր, այդ թվում ԵԱՀԿ դիտորդական առաքելության ընդլայնման հարցը: Այդ մասին հայտարարել է ԵԱՀԿ Մինսկի խմբի ռուս համանախագահ Իգոր Պոպովը ադրբեջանական ԱՊԱ գործակալությանը տված հարցազրույցում: «Նախարարները սկզբունքային համաձայնություն են տվել միջնորդների պատրաստված փաստաթղթին, որով կարգավորվելու է լրացուցիչ 7 դիտորդի գործունեությունը», - ասել է ռուս համանախագահը: Նա հավելել է, որ մնացել է համաձայնեցնել միայն տեխնիկական մանրամասները՝ ընդլայնման մեխանիզմը գործարկելուց առաջ: Պոպովը նշել է, որ բանակցություններում քննարկվել են նաև հակամարտության կարգավորման առավել բարդ հարցերը՝ «կարգավիճակի և տարածքների հետ կապված»: Նա հավելել է, որ համանախագահների արտահայտած նկատառումները կոչված են օգնելու կողմերին գտնել ընդունելի լուծումներ: Պոպովը տեղեկացրել է նաև, որ ԵԱՀԿ Մինսկի խմբի համանախագահները մտադիր են պարզել կողմերի դիրքորոշումը Երևանում և Բաքվում, Հայաստանի նախագահ Սերժ Սարգսյանի և Ադրբեջանի նախագահ Իլհամ Ալիևի հետ փետրվարի սկզբին կայանալիք հանդիպման ժամանակ: Հունվարի 18-ին Կրակովում ԵԱՀԿ Մինսկի խմբի համանախագահների նախաձեռնությամբ տեղի է ունեցել Հայաստանի և Ադրբեջանի արտաքին քաղաքական գերատեսչությունների ղեկավարներ Էդվարդ Նալբանդյանի և Էլմար Մամեդյարովի հանդիպումը։ Սկզբունքային համաձայնություն է ձեռք բերվել իրականացնելու ԵԱՀԿ գործող նախագահի անձնական ներկայացուցչի գրասենյակի կարողությունների ընդլայնման վերաբերյալ պայմանավորվածությունը։Հանդիպմանը շարունակվել են 2017-ի դեկտեմբերին կայացած քննարկումները՝ Հայաստանի և Ադրբեջանի ղեկավարների Վիեննայի, Սանկտ Պետերբուրգի և Ժնևի գագաթաժողովներին ձեռք բերված պայմանավորվածությունների իրագործման ուղիների շուրջ   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
