BBC-ն անդրադարձել է Թուրքիայի և Վատիկանի հարաբերություններին Ցեղասպանության շուրջ «ճգնաժամից» հետո 5 փետրվարի 2018 - 17:48 AMT PanARMENIAN.Net - Բրիտանական BBC-ի թուրքական ծառայությունը, Թուրքիայի նախագահ Ռեջեփ Թայիփ Էրդողանի Վատիկան այցի առիթով, ծավալուն հոդվածով անդրադարձել է Հայոց ցեղասպանության ճանաչման շուրջ Թուրքիայի և Վատիկանի միջև առաջացած ճգնաժամին և փոխհարաբերություններին դրանից հետո: «2015 թվականի ապրիլի 12-ին Վատիկանում մատուցած պատարագի ժամանակ Ֆրանցիսկոս պապը, հղում անելով 2001 թվականին Հովհաննես 2-րդ պապի և Ամենայն Հայոց կաթողիկոս Գարեգին Երկրորդի` ցեղասպանության վերաբերյալ ստորագրած հռչակագրին, իր ելույթում 1915 թվականի դեպքերն անվանեց 20-րդ դարի առաջին ցեղասպանություն: Նա ասաց, որ այն վերջին հարյուրամյակում մարդկությանը պատահած ամենաողբերգական երեք իրադարձություններից մեկն է», - գրել է հոդվածագիրը: Հեղինակը գրում է, որ այս խոսքերից հետո Անկարան հետ կանչեց Վատիկանում երկրի դեսպան Մեհմեթ Փաչաջըին, և 10 ամիս շարունակ Վատիկանի հետ դիվանագիտական հարաբերությունները գործերի հավատարմատարի մակարդակով էին: Միայն 2016-ի փետրվարին Թուրքիայի դեսպանը վերադարձավ Վատիկան: «Այն ժամանակ Էրդողանը կոշտ պատասխան տվեց Վատիկանին՝ մեղադրելով նրան պատմական հարցը քաղաքակականություն տեղափոխելու մեջ», - պատմում է հեղինակը, մեջբերելով Էրդողանի՝ պատմաբաններից կազմված հանձանաժողով ստեղծելու և արխիվներն ուսումնասիրելու մասին խոսքերը: Հեղինակն ասում է, որ Էրդողանի քննադատություններից հետո, սակայն, Ֆրանցիսկոս պապը 2016 թվականի հունիսին այցելեց Հայաստան և ևս մեկ անգամ արտասանեց ցեղասպանություն բառը: Փետրվարի 5-ին Վատիկանում տեղի է ունեցել Հռոմի պապի և Թուրքիայի նախագահ Էրդողանի դռնփակ հանդիպումը: Սա Թուրքիայի նախագահի մակարդակով առաջին այցն է Վատիկան մոտ 60 տարվա դադարից հետո: Իսկ Հռոմի պապը Թուրքիա էր այցելել 2014 թվականին:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
