Թուրքիայում 3 լրագրող ցմահ ազատազրկվել է17 փետրվարի 2018 - 11:25 AMT PanARMENIAN.Net - Դատարանը Թուրքիայում փետրվարի 16-ին, Welt գերմանական թերթի թղթակից Դենիզ Յուջելի ազատագրման օրը, ցմահ բանտարկության է դատապարտել 3 հայտնի թուրք լրագրողի: Այժմ չգործող Taraf թերթի նախկին գլխավոր խմբագիր Ահմեդ Ալթանը, նրա եղբայրը՝ էկոնոմիկայի պրոֆեսոր և գրող Մեհմեդ Ալթանը, ինչպես նաև հայտնի լրագրող Նազլի Իլիչակը,Ստամբուլի դատարանի կողմից մեղավոր են ճանաչվել ծայրահեղական քարոզիչ Ֆեթուլլահ Գյուլենի շարժման հետ կապեր ունենալու մեջ: Ինչպես հայտնի է, Անկարան Գյուլենին է մեղադրում 2016-ին հեղաշրջման փորձ կազմակերպելու համար: Այդ լրագրողների հետ միասին դատապարտվել է Taraf թերթի ևս 3 աշխատակից, գրում է Deutsche Welle-ն: Իրավապաշտպան «Թղթակիցներ առանց սահմանների» կազմակերպությունը խորը վրդովմունք է հայտնել դատարանի որոշման կապակցությամբ: «Ահմեդ Ալթանի, Մեհմեդ Ալթանի և Նազլի Իլիչակի դատապարտումն աղետալի ազդանշան է առաջիկա շաբաթներին լրագրողների գործերով կայանալիք մյուս դատավարությունների առումով, որոնց նմանատիպ մեղադրանքներ են ներկայացվել»,-հայտարարել է կազմակերպության ղեկավարներից Քրիստիան Միրը: 2016-ի հուլիսին չհաջողված պետական հեղաշրջման փորձից հետո Թուրքիայում ավելի քան 80.000 մարդ է ձերբակալվել՝ հեռացվել կամ ազատվել աշխատանքից: Հարյուրավոր ՈԿԿ-ների աշխատանքը կասեցվել է: Հետապնդումների են ենթարկվում բոլոր նրանք, ում կասկածում են ԱՄՆ-ում բնակվող Ֆեթուլլահ Գյուլենի հետ կապեր ունենալու մեջ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |