Թուրք լրագրող. Հայերի դավանափոխ լինելու փաստը թաքցնելը Թուրքիայում ազգային անվտանգության հարց է22 փետրվարի 2018 - 18:53 AMT PanARMENIAN.Net - Թուրք լրագրող Ֆեհիմ Թասթեքինը Аl-Мonitor կայքում ծավալուն հոդվածով անդրադարձել է Թուրքիայի պետական ծառայությունների կողմից գործարկված և երկրում մեծ աղմուկ բարձրացրած հարթակին, որի միջոցով քաղաքացիները կարող էին ստուգել, թե ովքեր են եղել իրենց նախնիները մինչև 1800-ականները։ Շատերը պարզել էին, որ հայկական արմատներ ունեն։ «Այն օրերին, երբ Թուրքիան ցանկանում էր անդամակցել ԵՄ-ին, և թուրք հասարակությունը հարցադրումներ էր հնչեցնում իր կրոնական և էթնիկ ծագման մասին, երկրում սկսվեց մի ժամանակաշրջան, երբ մարդկանց իշխանության թեթև ձեռքով սկսեցին անպատվել և անվանել նրանց«ծպտյալ հայեր»», -գրում է հեղինակը: Անդրադառնալով Պոլսում հայկական «Ակոս» թերթի գլխավոր խմբագիր Հրանտ Դինքի՝ Քեմալ Աթաթուրքի որդեգիր դուստր Սաբինա Գյոքչենի հայկական արմատների մասին սկանդալային բացահայտումներին, հեղինակը մատնանշում է թուրքական իշխանությունների հիվանդագին արձագանքը: «Դինքի պատմությունը բացատրում է, թե ինչու են Թուրքիայում թաքցրել բնակչության ռեգիստրները: Պետությունը մշտապես զգայուն է եղել այդ հարցի նկատմամբ: Մարդկանց ինքնությունը բացահայտող տվյալների գաղտնիությունը Թուրքիայում դիտարկվել է որպես ազգային անվտանգության հարց»,- գրում է հեղինակը: Ըստ նրա, դրա համար երկու պատճառ է եղել, նախ՝ թաքցնել այն փաստը, որ բազմաթիվ հայեր, հույներ, հրեաներ դավափոխվել են և մուսուլման են դարձել, և երկրորդ՝ խուսափել «թուրքականությունը» կասկածի տակ դնող որևէ բանավեճից: Էթնիկ ծագման հարցը, ըստ հեղինակի, Թուրքիայւոմ մշտապես կիրառվել է որպեղ հասարակությունը մասնատող գործիք: Թուրքիայի պետական ծառայությունները е-devlet համակարգում հարթակ էր գործարկել, որը թույլ էր տալիս քաղաքացիներին պարզել իրենց նախնիների ինքնությունը:Հարթակը մի քանի օրում միլիոնավոր օգտատերեր էր ունեցել: Շատերը պարզել էին, որ իրենց նախնիները հայ են: Այդ բացահայտումները բուռն քննարկումների առարկա էին դարձել թուրքական սոցցանցային տիրույթում: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները |