Համան. Մխիթարյանը կարող է դառնալ «Արսենալի» լավագույն խաղացողներից մեկը28 փետրվարի 2018 - 13:20 AMT PanARMENIAN.Net - Հայաստանի ազգային հավաքականի և Լոնդոնի «Արսենալի» կիսապաշտպան Հենրիխ Մխիթարյանը բարձրակարգ ֆուտբոլիստ է և կարող է «Արսենալի» լավագույն խաղացողներից մեկը դառնալ: Այդ մասին հայտարարել է «Լիվերպուլի» լեգենդ և «Մանչեսթեր Սիթիի» նախկին ֆուտբոլիստ Դիթմար Համանը «Արսենալի» հետ Լիգայի գավաթի խաղում պատասխան խաղից առաջ: «Կարծում եմ, Մխիթարյանը շատ շնորհալի ֆուտբոլիստ է, որի խաղը «Մանչեսթեր Յունայթեդում» այս կամ այն պատճառով չստացվեց, սակայն «հրետանավորները» բարձրակարգ խաղացող ունեցան»,-ասել է Համանը, հայտնում է The Sport Review-ն: Ըստ Համանի, եթե «Արսենալի» գլխավոր մարզիչ Վենգերին հաջողվի Մխիթարյանից կորզել նրա բոլոր ունակությունները, բազում թիմեր առաջիկա 6-18 ամիսներին կցանկանան ձեռք բերել նրան: «Կարծում եմ, եթե Մխիթարյանին ճիշտ հունով ուղորդել, մարդիկ կզարմանան, թե որքան լավն է նա»,-ասել է Համանը: Ավելի վաղ «Արսենալի» լեգենդ, աշխարհի և Եվրոայի չեմպիոն Ռոբեր Պիրեսը ֆուտբոլի մաեստրո էր անվանել Մխիթարյանին: Հայտնի ֆուտբոլիստը վստահ է, որ Մխիթարյանի անցումն «Արսենալ» լիովին կփոխհատուցի Սանչեսի հեռանալը: «Ես սա ասում եմ ոչ թե այն պատճառով, որ Մխիթարյանը հիմա «Արսենալում» է: Նա ինձ նախկինում էլ էր դուր գալիս, երբ խաղում էր Դորտմունդի թիմի կազմում»,-ասել է Պիրեսը՝ հավելելով, որ Մխիթարյանի խաղաոճը հիանալի համադրվում է «Արսենալի» մարտավարության հետ: Photo. Getty Images Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | Արցախի ՄԻՊ. Արցախցի քաղաքապետերի դեմ քրվարույթները քաղենթատեքստ ունեն Նա պատահական չի համարում, որ այդ անհիմն վարույթները մեկնարկեցին Բագրատ սրբազանի հետ նրանց հանդիպումից հետո «Լեռնային Ղարաբաղ. վտանգված հայկական ժառանգություն» խորագրով ցուցահանդես՝ Կանադայի խորհրդարանում Ցուցադրվել են կանադահայ լուսանկարիչ Հրայր «Բազե» Խաչերյանի աշխատանքները Փաշինյանը Բաղանիսում և Ոսկեպարում հանդիպումներից հետո հասել է Կիրանց Կիրանցում լարված իրավիճակ է, գյուղում է նաև ոստիկանապետը ԱԺ պատվիրակությունը մասնակցում է ՆԱՏՕ-ի խորհրդարանական վեհաժողովի աշխատանքներին Պատվիրակությունը գլխավորում է Անդրանիկ Քոչարյանը |