Արտասահմանում սովորող հայ դպրոցականներին կարող է տարկետման իրավունք տրվել

PanARMENIAN.Net - Արտասահմանում հանրակրթական հաստատություններում սովորող հայ աշակերտներին տարկետման իրավունք կարող է տրվել: Aysor.am-ի փոխանցմամբ, համապատասխան նախագիծը դրական եզրակացություն է ստացել ԱԺ պաշտպանության և անվտանգության մշտական հանձնաժողովի նիստում:

Նախագծի հեղինակը ՀՀԿ-ական պատգամավոր Միհրան Պողոսյանն է: Նրա խոսքով, այդ հնարավորությունն օրենսդրական մակարդակով արդեն տրամադրվել է պետության կողմից, սակայն դա վերաբերում է միայն ՀՀ տարածքում միջնակարգ կրթություն ստացած ավագ դպրոցի աշակերտներին, իսկ Հայաստանի քաղաքացիություն ունեցող, բայց արտասահմանյան դպրոցներում կրթություն ստացած աշակերտները մնացել են օրենքի շրջանակից դուրս։

«Խոսքը հանրակրթական ուսումնական հաստատություններում սովորողների մասին է, ովքեր չեն ավարտել դպրոցը, բայց զորակոչային տարիքային խմբում են», - նշել է պատգամավորը:

2017-ից Հայաստանն անցել է միջնակարգ 12–ամյա կրթության, որի արդյունքում շատ դպրոցականներ դպրոցն ավարտում են զինապարտության տարիքում