$120.000 լուսանկարչին պրոֆեսիոնալիզմի համար, հերոսին՝ արիության մրցանակ20 մարտի 2018 - 11:13 AMT PanARMENIAN.Net - Սիրիացի լուսանկարիչ Մոհամեդ Ալրահեբը ստացել է Hamdan International Photography Award (HIPA) ամենամյա մրցանակաբաշխության գլխավոր պարգևը՝ 120.000 դոլար: Լուսանկարում, որը հաղթանակ է բերել Ալրահեբին, պատկերված է մեկ այլ զինլուսանկարիչ Աբդ Ալքադեր Հաբակը, որը 2017-ի ապրիլի 15-ին Հալեպում դադարեցրել է աշխատանքն ու փրկել պայթյունից սիրիացի տղային, գրում է PDN Pulse-ը: Հաբակին մրցույթի կազմակերպիչները հատուկ մրցանակով են պարգևատրել՝ աշխատանքում ցուցաբերած արիության համար: Այն ժամանակ Սիրիայում, Հալեպի շրջանում պայթյուն էր տեղի ունեցել խաղաղ բնակիչներին տեղափոխող ավտոբուսի մոտ, որի հետևանքով զոհվեց 130 մարդ, որից 60-ը՝ երեխաներ:
«Սարսափելի էր տեսնել երեխաների, որոնք աչքիդ առջև լալիս են ու մահանում: Ուստի, ես և գործընկերներս որոշեցինք մի կողմ դնել մեր տեսախցիկներն ու սկսեցինք փրկել տուժածներին»,-պատմել է Հաբակը CNN-ին: Ըստ նրա, առաջին երեխան, ում նա նետվեց փրկելու, արդեն մահացել էր: Երկրորդը նույնպես կյանքի նշաներ ցույց չէր տալիս: Հաբակը հիշում է, թե ինչպես ինչ-որ մեկը բղավեց. «Թող նրան, նա արդեն մահացել է»: Բայց լրագրողը հասկացավ, որ երեխան դեռ շնչում է: Նա ձեռքերի վրա բարձրացրեց երեխային՝ այդ ամբողջ ընթացքում նրա տեսախցիկը միացած էր և նկարահանում էր շուրջը տիրող քաոսը: Ըստ նրա, երեխան կառչել էր նրա ձեռքից և ուղիղ աչքերին էր նայում: Հաբակը հասցրել է երեխային մինչև շտապ օգնության մեքենան և հետ վազել: Այդ դրվագը նկարահանած Ալրահեբը նույնպես օգնում էր վիրավորներին: Եվս մի տղա, որին լրագրողը փորձել էր փրկել, մահացել է՝ Ալրահեբի մեկ այլ լուսանկարում արտասվող Հաբակը ծնկի է իջել զոհված երեխայի մարմնի մոտ: Ըստ Ալրահեբի, լալիս էին լուսանկարիչներից շատերը, այդ թվում նաև ինքը:
Hamdan International Photography Award (HIPA-ը միջազգային լուսանկարչական մրցույթ է, որը հիմնվել է 2011-ին Դուբայի արքայազն շեյխ Համդան բին Մոհամեդ բին Ռաշիդ Ալ Մաքտումի հովանավորությամբ: Հղումներ թեմայով. Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Fastex-ի աջակցությամբ Երևանում կայացել է One Run – First Run միջազգային խոշորագույն կիսամարաթոնը Կիսամարաթոնին մասնակցել է ավելի քան 1000 մարդ ՀՀ-ն հրաժարվել է 2027–ին ընդունել ԱՊՀ խաղերը ծանրաբեռնվածության պատճառով Հայաստանը պատրաստակամ է քննարկելու ԱՊՀ 2029-ի խաղերն ընդունելու հնարավորությունը Միրզոյանն Էստոնիայի ԱԳ նախարարի հետ քննարկել է ՀՀ-ԵՄ օրակարգն ու տարածաշրջանային զարգացումները Միրզոյանը ներկայացրել է Հայաստանի և Ադրբեջանի միջև խաղաղության պայմանագրի շուրջ բանակցությունների ընթացքը Փաշինյանը չի մեկնել Աշխաբադ՝ մասնակցելու ԱՊՀ երկրների վարչապետերի հանդիպմանը ՀՀ–ն ներկայացնում էր ԱՊՀ կանոնադրական և այլ մարմիններում Հայաստանի մշտական ներկայացուցիչը |