Օսկանյանը դասընթաց կվարի Թաֆթսի համալսարանում31 մարտի 2018 - 11:02 AMT PanARMENIAN.Net - ՀՀ ԱԳ նախկին նախարար Վարդան Օսկանյանը դասընթաց կվարի Թաֆթսի համալսարանում: Այդ մասին նա հայտնել է իր ֆեյսբուքյան էջում՝ հավելելով, որ երկարամյա դիվանագիտական գործունեությունից հետո, հետաքրքրական է վերապրածը կիսել ուսանողների և մասնագետների հետ: «Հունվարից ես Լոս Անջելեսում էի, որտեղ հակամարտությունների, ինքնորոշման իրավունքի, բանակցությունների, ինչպես նաև առհասարակ արտաքին քաղաքականության վերաբերյալ Հարավային Կալիֆոռնիայի համալսարանում դասախոսությունների շարք էի ներկայացնում, որն արդեն գրեթե վերջացրել եմ»,-ասվում է գրառման մեջ: Նշվում է նաև, որ մինչև Երևան վերադառնալը, Օսկանյանը Հարվարդի իրավագիտության դպրոցում, «Ինքնորոշումը և միջազգային իրավունքը. Կոսովո և Լեռնային Ղարաբաղ․ երկու հակամարտությունների պատմությունը» թեմայով ելույթ է ունենալու ապրիլի 12-ին: «Առաջիկա աշնանային կիսամյակում կվերադառնամ Բոստոն, որտեղ Թաֆթսի համալսարանում, որպես այցելու դասախոս, կվարեմ դասընթաց՝ «Ինքնորոշման և անջատման քաղաքականությունը» խորագրով։ Ուրախ եմ որ ինչ-որ ժամանակով վերադառնալու եմ այն համալսարանը, որտեղ սովորել եմ տարիներ առաջ»,-ասվում է գրառման մեջ։ Վարդան Օսկանյանը ղեկավարել է ՀՀ ԱԳՆ-ն 1998- 2008 թթ.՝ միաժամանակ գլխավորելով ՀՀ պատվիրակությունը՝ Լեռնային Ղարաբաղի հակամարտության կարգավորման ԵԱՀԿ Մինսկի խմբի բանակցություններում: 2008-ին նա հիմնել է .՝ «Սիվիլիթաս» հիմնադրամի, որի նախագահն է եղել մինչև 2012-ը: 2012 թ. մայիսի 6-ին ԱԺ պատգամավոր է ընտրվել «Բարգավաճ Հայաստան» կուսակցության համամասնական ընտրացուցակով։2015 թ. մարտի 5-ին դադարեցրել է իր անդամակցությունը «Բարգավաճ Հայաստան» կուսակցությանը։ Հղումներ թեմայով. Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | «Երևանի բալետային փառատոն»՝ Թումանյանի անվան զբոսայգում Բացօթյա փառատոնի ներկայացումների սկիզբը 20:00–ին է Միրզոյանը՝ Վիեննայում․ Պետք է արգելել միջուկային օբյեկտների վրա զինված հարձակումները և հարձակման սպառնալիքները Նա նշել է, որ Հայաստանը վերահաստատում է իր հանձնառությունը Չտարածման մասին պայմանագրին ՀՀ և Չեխիայի ԱԳ նախարարները խոսել են ԵՄ հարթակում համագործակցության մասին Միրզոյանն ասել է, որ Հայաստանն էականորեն խորացնում է հարաբերությունները ԵՄ հետ բոլոր ուղղություններով Միրզոյանն ու Գրոսսին անդրադարձել են ՀԱԷԿ–ի հետագա ապահով և անվտանգ շահագործմանը Միրզոյանն ասե էլ որ ՀՀ–ն ձեռնարկել է անհրաժեշտ միջոցներ ատոմակայանի կյանքը մինչև 2036 թվականը երկարաձգելու համար |