Մրցույթ հայ ֆրանսախոսների համար. Մրցանակը՝ ուղևորություն դեպի Փարիզ 6 ապրիլի 2018 - 15:33 AMT PanARMENIAN.Net - Հայաստանում Ֆրանսիայի դեսպանատունը ֆրանսերենին տիրապետողների համար մեկնարկել է «Et en plus, je parle français en Arménie !»` «Եվ բացի այդ՝ ես խոսում եմ ֆրանսերեն Հայաստանում» խորագիրը կրող տեսահոլովակի և բանավոր խոսքի մրցույթը: Գլխավոր մրցանակն է ուղևորություն դեպի Փարիզ: Մրցույթին կարող են մասնակցել Հայաստանում բնակվող 16-35 տարեկան բոլոր այն անձինք, ում կյանքում ֆրանսերենն ու առհասարակ ֆրանսիական մշակույթը մեծ դեր ունեն: Մասնակցության համար հարկավոր է գրանցվել առցանց և տեղադրել 40 վայրկյանից 1,5 րոպե տևողությամբ տեսանյութ, որտեղ ֆրանսերեն կներկայացվի մասնակցի կապը լեզվի հետ, դրա կարևորությունը նրա կյանքում և մասնագիտական գործունեության մեջ: Ի դեպ, տեսանյութում անպայման պետք է արտասանել գլխավոր նախադասությունը՝ «Et en plus, je parle français en Arménie !»: Տեսանյութերի ներկայացման վերջնաժամկետն ապրիլի 30-ն է, որից հետո մրցույթի կազմակերպիչները կընտրեն լավագույն 12 մասնակցին: Առաջին փուլը հաղթահարած մասնակիցները մայիսի 7-ին կհանդիպեն մրցույթի ժյուրիի անդամներին՝ բանավոր խոսքի մրցույթի շրջանակում: Արդյունքում ընտրված 6 թեկնածուն կանցնի եզրափակիչ և կստանա Հայաստանում ֆրանսերենի դեսպանը դառնալու հնարավորություն: Յուրաքանչյուրի համար կկազմակերպվի պրոֆեսիոնալ լուսանկարում: Մրցույթի վերջին փուլում՝ մայիսի 12-ից 21-ը, եզրափակիչ անցած մասնակիցների լուսանկարները հանրային քվեարկության կդրվեն: Վերջինիս արդյունքների և ժյուրիի գնահատականի ամփոփումից հետո կընտրվի մրցույթի հաղթողը, ով էլ կստանա գլխավոր մրցանակն ու 2018-ի ամռանը կմեկնի Ֆրանսիայի մայրաքաղաք Փարիզ: Հայաստանում Ֆրանսայի դեսպանատան այս նախաձեռնությունը նպատակ ունի խթանել հանրության՝ մասնավորապես երիտասարդության շրջանում ֆրանսերենի կիրառումը: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը | Գեղասահորդուհի Սոֆյա Տիտովան կներկայացնի Հայաստանը․ Նա ՀՀ քաղաքացիություն է ստացել Նա մարզվում է Եվգենի Պլյուշչենկոյի ակադեմիայում Սերժ Սարգսյան. Բագրատ Սրբազանն ասել է` ինքն է թեկնածու, ուրեմն՝ իրեն ենք աջակցում Նա ասել է, որ նոր իշխանություններին կհաջողվի սահմանազատումը բերել օրինական դաշտ ՌԴ ՊՆ ղեկավար․ Հատկապես մտահոգիչ են Վաշինգտոնի և Բրյուսելի պլանները մեր հայ գործընկերների մասով Նա հավելել է, որ «Հայաստանին ու Ադրբեջանին հակասությունների կարգավորման համար պարտադրվում են միջնորդական ջանքեր» Սերժ Սարգսյանն արդարացվել է հանցակազմի բացակայության հիմքով Վերացվել է նրա խափանման միջոցը՝ երկրից բացակայելու արգելքը |