Ցուկերբերգը՝ Կոնգրեսում. Դա իմ սխալն էր10 ապրիլի 2018 - 14:44 AMT PanARMENIAN.Net - ԱՄՆ Կոնգրեսի Ներկայացուցիչների պալատի էներգետիկայի և առևտրի կոմիտեն ապրիլի 9-ին հրապարակել է Facebook-ի հիմնադիր Մարկ Ցուկերբերգի ցուցմունքները սոցցանցի օգտատերերի տվյալների արտահոսքի վերաբերյալ: Ցուկերբերգի ցուցմունքներում մանրամասն շարադրված է ոչ միայն Cambridge Analytica-ի հետ կապված սկանդալը, այլ նաև ԱՄՆ ընտրություններին ՌԴ ենթադրյալ միջամտության հետ կապված պատմությունը: Նկարագրված է նաև, թե սոցցանցն ինչ քայլեր է ձեռնարկել խուսափելու համար այդ իրավիճակներից, գրում է Meduza-ն: Բացի այդ, Ցուկերբերգը խոստովանել է, որ իր անձնական մեղքը ևս կա այն բանում, որ սոցցանցը կարող էր օգտագործվել կեղծ տեղեկատվության տարածման, ատելության բորբոքման, ընտրություններին օտար երկրների միջամտության և օգտատերերի տվյալների ապօրինի փոխանցման համար: «Մենք բավարար չափով չէինք հասկանում մեր պատասխանատվությունը և դա մեծ սխալ էր: Դա իմ սխալն էր, ես ներողություն եմ խնդրում: Ես եմ հիմնել Facebook-ը, ես եմ կառավարում սոցցանցը և ես պատասխանատու եմ ամեն ինչի համար, ինչ կատարվում է ցանցում»,-հայտարարել է Ցուկերբերգը: Ապրիլի 10-ին և 11-ին Մարկ Ցուկերբերգը ցուցմունք է տալու ԱՄՆ Կոնգրեսում սոցցանցի օգտատերերի տվյալների արտահոսքի մասին: Ավելի վաղ Ցուկերբերգը հրաժարվել էր ցուցմունք տալ Մեծ Բրիտանիայի խորհրդարանում՝ առաջարկելով իր փոխարեն իր տեղակալներից մեկին ուղարկել: Բրիտանացի խորհրդարանականները վրդովված էին այդ որոշումից: Facebook-ի շուրջ սկանդալը սկսվել է մարտի 16-ին, երբ հայտնի դարձավ, որ սոցցանցից միլիոնավոր մարդկանց անձնական տվյալ է արտահոսել բրիտանական Cambridge Analytica ընկերությանը։ Մասնագետները կարծում են, որ հավաքագրված տվյալներն օգտագործվել են ԱՄՆ նախագահի ընտրությունների ու Brexit քվեարկության ժամանակ: Բրիտանական Cambridge Analytica մասնավոր ընկերությունը ստացել է առնվազն 87 մլն Facebook օգտատիրոջ անձնական տվյալ։ Ավելի վաղ համարվում էր, որ ընկերությունը ստացել է 50 մլն օգտատիրոջ տվյալներ։ Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |