Ադրբեջանի դժգոհությունը ԵԱՀԿ Մինսկի խմբից նորություն չէ 1 ապրիլի 2008 - 16:27 AMT PanARMENIAN.Net - Ադրբեջանի դժգոհությունը ԵԱՀԿ Մինսկի խմբից նորություն չէ, Բաքուն իր բացասական վերաբերմունքը համանախագահների ինստիտուտի նկատմամբ հայտնել է ամենասկզբից: Այդ մասին PanARMENIAN.Net ի թղթակցին հայտարարել է ԶԼՄ-ների Կովկասյան ինստիտուտի (ԶԼՄԿԻ) տնօրեն, քաղաքագետ Ալեքսանդր Իսկանդարյանը: Նրա խոսքերով, բանակցությունները վաղուց են ընթանում եւ, բնական է, դժգոհությունն ավելանում է: «Ադրբեջանի կողմից ներկայացված բանաձեւի ընդունումը ՄԱԿ ԳՎ-ում, ըստ իս, երկու պատճառներով էր պայմանավորված: Առաջին` թերությունները ՄԱԿ-ի կառուցվածքում, որն այսօր բարեփոխումների շրջանում է: Երկրորդ պատճառը Հայաստանի անկայուն ներքաղաքական իրավիճակն էր, որից փորձեց օգտվել Ադրբեջանը: Սակայն ՄԱԿ-ի բանաձեւի ընդունումը ԵԱՀԿ ՄԽ-ն վերացնելու իրական փորձ չէր»,- նշել է նա: ԶԼՄԿԻ տնօրենը նաեւ գտնում է, որ Լեռնային Ղարաբաղի հակամարտության կարգավորման գործընթացում իրավիճակի հետագա զարգացումը կախված է նրանից, թե ինչ է կատարվելու Հայաստանում առաջիկա երկու ամիսներին: «Պետք է նկատի ունենալ նաեւ այն, որ կարգավորման գործընթացը եւ ինքը հակամարտությունը երկու բացարձակ տարբեր բաներ են: Հակամարտությունն ինքը կախված է ուժերի հավասարակշռությունից: Այս հասկացության մաս է կազմում ոչ միայն կողմերի ռազմական ուժը, այլեւ տնտեսությունը, քաղաքականությունը, լոբբինգի մակարդակը տարբեր միջազգային կառույցներում եւ երկրներում: Սակայն ուժերի հավասարակշռության գլխավոր մասը Լեռնային Ղարաբաղն է, որը գտնվում է հայկական ուժերի վերահսկողության տակ»,- ընդգծել է հայ փորձագետը: Ուշագրավ Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Ամենաընթերցվողը բաժնում | Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ Փաշինյանն աղետի գոտի է այցելել Նա այցելել է Վանաձոր-Ալավերդի միջպետական ճանապարհի Մարց գյուղի հատված |