Հայաստանում սկսել է գործել Beeline ապրանքանիշը 7 ապրիլի 2008 - 16:38 AMT PanARMENIAN.Net - Ապրիլի 7-ին Հայաստանում պաշտոնապես ներկայացվել է Beeline ապրանքանիշը, որով այսուհետ կապի իր ծառայություններն է մատուցելու Վիմպելկոմ ԲԲԸ դուստր ձեռնարկություն` ԱրմենՏել ՓԲԸ-ն: Ինչպես Երեւանում լրագրողներին է հայտարարել Վիմպելկոմ ԲԲԸ-ի ԱՊՀ երկրներում բիզնեսի զարգացման գծով գործադիր փոխնախագահ Դմիտրի Պլեսկոնոսը, Հայաստանը թվով յոթերորդ երկիրն է, ուր մուտք է գործում այս ապրանքանիշը: «Այնպիսի խոշոր կազմակերպության մուտքը Beeline ապրանքանիշով գործող ընկերությունների խումբ, ինչպիսին ԱրմենՏելն է, զգալիորեն կամրապնդի Վիմպելկոմի միջազգային ապրանքանիշի դիրքերը» - ասաց Վիմպելկոմ ԲԲԸ ԱՊՀ երկրներում բիզնեսի զարգացման գծով գործադիր փոխնախագահ Դմիտրի Պլեսկոնոսը: - «Ավելին, սա կարեւոր քայլ է սպասարկման ոլորտում համաշխարհային մակարդակի առաջատար ընկերություն դառնալու ճանապարհին: Բոլոր երկրներում նույն ապրանքանիշով ծառայությունների մատուցումը սպառողի համար տրամաբանական է եւ հասկանալի: Ապրիլի 7-ից վաճառքում կլինեն նոր դիզայնով SIM եւ վճարման քարտեր, որոնք կգործեն եւ կվաճառվեն նախկինում օգտագործվող քարտերի հետ միաժամանակ, մինչեւ վերջիններս ամբողջությամբ դուրս կգան շրջանառությունից: Կփոխվի նաեւ պայմանագրի բլանկի ձեւը, իսկ նախկինում կնքված պայմանագրերը կգործեն առանց սահմանափակումների եւ դրանք վերակնքելու կարիք չի լինի: «Այն պահից, ինչ Վիմպելկոմը մուտք գործեց Հայաստանի շուկա իրականացվել են բազմաթիվ միջոցառումներ: Մենք էապես ընդլայնել ենք մեր ցանցի ծածկույթն ու ունակությունը, առաջ ենք քաշում պարզ եւ հասկանալի լուծումներ, ծառայությունները դարձնում ենք առավել մատչելի: Beeline ապրանքանիշի մեկնարկը մեր ընկերության զարգացման տրամաբանական շարունակությունն է: Նշենք, որ Beeline-ը Ռուսաստանի տարածքում ամենաթանկարժեք ապրանքանիշն է` Interbrand Zintzmeyer & Lux AG միջազգային խորհրդատվական ընկերության գնահատմամբ: Այն գնահատվել է 7.2 միլիարդ ԱՄՆ դոլլար: «Վիմպելկոմ» ընկերությունների խումբը հեռահաղորդակցության օպերատոր է, որը մատուցում է ձայնային կապի եւ տվայների փոխանցման ծառայություններ անլար եւ ֆիքսված հեռախոսակապի տեխնոլոգիաների լայն շրջանակում, ինչպես նաեւ լայնաշերտ Ինտերնետ կապի ծառայություններ: «Վիմպելկոմ» ընկերությունների խմբի մեջ են մտնում բջջային կապի մի շարք օպերատորներ, որոնք մատուցում են իրենց ծառայությունները Ռուսաստանում, Ղազախստանում, Ուկրաինայում, Տաջիկստանում, Ուզբեկստանում, Վրաստանում եւ Հայսատանում, որտեղ բնակվում է մոտ 250 միլիոն մարդ: «Վիմպելկոմ» ԲԲԸ առաջին ռուսական ընկերությունն էր, որը գրանցվեց Նյու-Յորքի ֆոնդային բորսայում (NYSE): Իսկ ընկերության բաժնետոմսերը ներառված են Նյու-Յորքի արժեթղթերի շուկայի VIP ցուցակում: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |