ԵԽԽՎ-ն մտահոգ է ՀՀ նախորդ իշխանության հասցեին սոցցանցերում «ատելության խոսքով» 29 մայիսի 2018 - 18:27 AMT PanARMENIAN.Net - Եվրախորհրդի խորհրդարանական վեհաժողովի պաշտոնական կայքում հրապարակել էԵԽԽՎ Հայաստանի հարցով համազեկուցողներ Ջուզեպե Գալատիի (Իտալիա) ու Յուլիա Լովոչկինայի՝ (Ուկրաինա) հայաստանյան վերջին իրադարձությունների մասին զեկույցը: Համազեկուցողները շնորհավորել են քաղաքական ուժերին և հայ ժողովրդին հեղափոխության ընթացքում դրսևորած զսպվածության և քաղաքական հասունության համար, որը տեղի ունեցավ խաղաղ պայմաններում՝ համաձայն սահմանադրական դրույթների և սկզբունքների: «Տեղի ունեցած իշխանափոխության ձևը և վարչապետ Նիկոլ Փաշինյանի կառավարության ձևավորումը, ընդգծում են քաղաքական համակարգի հասունությունը, ինչպես նաև այն, որ քաղաքական ուժերը հակված են երկրում ժողովրդավարության ամրապնդմանը», - նշված է զեկույցում: Համազեկուցողները նկատել են, որ հայ ժողովուրդը արագ և խորը բարեփոխումների մեծ ակնկալիքներ ունի նոր կառավարությունից: Այս համատեքստում նշվել է, որ վարչապետի ձևավորած ներառական կառավարությունը և Նիկոլ Փաշինյանի՝ կայուն և ժողովրդավար միջավայր ստեղծելու հստակ մտադրությունը ձևավորել են ժողովրդավարական բարեփոխումները շարունակելու և ազգային անվտանգության համար անհրաժեշտ պայմանները: «Սրանից զատ, նոր վարչապետ Նիկոլ Փաշինյանի և նրա քաղաքական դաշնակիցների կողմից տրված այն ազդանշանները, որ դատական համակարգը լինելու է ամբողջովին անկախ՝ առանց քաղաքական միջամտության, փարատում են քաղաքական հաշվեհարդարի մտավախությունը, որի մասին լսել ենք մեր այցի ընթացքում»,-նշել են համազեկուցողները՝ հավելելով, որ որ քաղաքական գործիչների հանցավոր գործունեթյունը չպետք է անպատիժ մնա: Զեկուցողները միևնույն ժամանակ մտահոգություն են հայտնել սոցիալական ցանցերում նախորդ իշխանությունների հասցեին ուղղված «ատելության խոսքի» դրսևորումների առթիվ: Զեկուցողները նաև ընդգծել են արտահերթ ընտրությունների անցկացման անհրաժեշտությունը՝ դրանց համար նոր կառավարության կողմից համապատասխան պայմաններ ձևավորելուն պես: «ԵԽԽՎ-ն պատրաստ է աջակցել Հայաստանին ժողովրդավարության հաստատման ճանապարհին», - եզրափակվում է զեկույցը:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
