«Գահերի խաղը» կարող է փրիքվել ունենալ

PanARMENIAN.Net - HBO հեռուստաալիքը պատվիրել է «Գահերի խաղը» սագայի փրիքվելի պիլոտային սերիան: Նշվում է, որ նախագիծը դեռ չունի անվանում: Փրիքվելը կպատմի օրիգինալ սագայի իրադարձություններից հազարավոր տարիներ առաջ ծավալված դեպքերի մասին, գրում է Lenta.ru-ն The Hollywood Reporter-ի վրա հղումով:

«Դա պատմություն կլինի հերոսների ոսկե դարից մինչև ամենամութ ժամանակներն անկման մասին, Վեսթերոսի սարսափելի գաղտնիքներից մինչև սպիտակ քայլորդների իրական ծագումը, Արևելքի առասպելներից մինչև Սթարքերի լեգենդը՝ դա այն պատմությունը չէ, որի մասին կարծում ենք, որ ամեն ինչ գիտենք»,-պնդում է հեռուստաալիքը:

Որպես գործադիր պրոդյուսեր հանդես կգա Ջեյն Գոլդմանը, որը նաև Ջորջ Մարտինի հետ միասին սցենարի համահեղինակն է:

Թողարկման ժամկետները հայտնի չեն, սակայյն, 2017-ին հեռուստաալիքի ներկայացուցիչ Քեյսի Բլոյսն ասել է, որ փրիքվելը, եթե այն հաստատվի, էկրան կբարձրանա ոչ շուտ, քան «Գահերի խաղի» ավարտից մեկ տարի անց:

Սերիալը եթեր է դուրս գալիս HBO-ում 2011-ից: 7-րդ եթերաշրջանն ավարտվել է 2017-ի օգոստոսի 28-ին՝ դիտումների ռեկորդ սահմանելով: