ՌԴ-ում ՀՀ դեսպանատունը՝ ՌԴ Պետդումայի պատգամավորին. Յուրաքանչյուր խոսքը կրակոց է 3 հուլիսի 2018 - 16:20 AMT PanARMENIAN.Net - Մեր փխրուն աշխարհում յուրաքանչյուր խոսքը կրակոց է, որը կարող է կրկնապատկել իրավիճակի սրման ռիսկերը՝ սպառնալով ղարաբաղյան հակամարտության խաղաղ կարգավորմանը: Այդ մասին ասվում է ՌԴ-ում ՀՀ դեսպանատանֆեսյբուքյան էջում հրապարակված հայտարարության մեջ, որը հակադարձում է ՌԴ Պետդումայի պատգամավոր, ՌԴ-Ադրբեջան միջխորհրդարանական բարեկամության խմբի նախագահ Դմիտրի Սավելևի Ադրբեջանում արված հայտարարություններին ԼՂ հարցի վերաբերյալ: Դմիտրի Սավելևн Ադրբեջանում մասնավորապես հայտարարել է. «Լեռնային Ղարաբաղն ու հարակից 7 շրջանները պետք է փոխանցվեն Ադրբեջանին առանց որևէ լրացուցիչ պայմանի: Հայտարարությունն արվել է ադրբեջանական Ջոջուխ Մարջանլի գյուղում «Ադրբեջանը ՌԴ միակ դաշնակիցն է Կովկասում» խորագրով խորհրդաժողովում: Դեսպանատունը շեշտում է, որ ՌԴ պատգամավորի խոսքերն անհնար է անուշադրության մատնել կամ հերթական պոպուլիստական ելույթ համարել, հատկապես ստեղծված իրավիճակում, երբ փխրուն խաղաղությունը տարածաշրջանուրմ այդքան կարևոր է: ՌԴ պատգամավորի խոսքերը չեն կարող զուսպ ընդունվել, քանի որ ադրբեջանական կողմը շարունակում է ռազմատենչ հռետորաբանությունն ու սադրանքները շփման գծում, որի արդյունքում շարունակում են զոհվել առաջնագծում կանգնած մեր երիտասարդ զինծառայողները: Այդ արտահայտություններն ի չիք են դարձնում մասնավորապես ռուսական կողմի բազմամյա և բազմակող ջանքերը, ի դեմս նրա բարձրագուն ղեկավարության, ուղղված ղարաբաղյան հակամարտության խաղաղ կարգավորմանը: «Կարծում ենք, որ մեզ հետ համակարծիք կլինեն նաև ռուս խորհրդարանականներից շատերը, մասնավորապես, հայ-ռուսական միջխորհրդարանական հանձնաժողովի ներկայացուցիչները, որոնք ինչպես ՌԴ-ում, այնպես էլ Հայաստանում, իրենց հայտարարություններում միշտ առաջնորդվել են տարածաշրջանում խաղաղության հաստատման ու պահպանման կարևորությամբ»,-ասվում է ՀՀ դեսպանության հայտարարության մեջ: : Հղումներ թեմայով. Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել Նարեկ Սամսոնյանն ու Վազգեն Սաղաթելյանն ազատ են արձակվել Նրանք 3 ամիս չեն կարողանալու վարել իրենց հաղորդումը |