Վարորդների որ տուգանքները չեն ներվի

PanARMENIAN.Net - Մինչև 2017 թվականի դեկտեմբերի 31-ը երթևեկության կանոնները խախտած վարորդների նկատմամբ համաներում կիրականացվի. վարչական ակտերով նախատեսված 13,3 մլրդ դրամի տուգանք կներվի մոտ 150.000 վարորդի: Համապատասխան որոշման նախագիծն ընդունվել է ՀՀ կառավարության հուլիսի 4-ի նիստում:

Համաներումը չի կիրառվելու երթևեկության կանոնների բացառությամբ բոլոր տեսակի խախտումների դիմաց սահմանված տուգանքների վրա, լինելու են իրավախախտումներ, որոնց համար սահմանված տուգանքները չեն ներվելու:

Այդ բացառություններն են՝

• առանց համապատասխան թույլտվության մեքենայի վրա կարմիր և կապույտ լուսային ազդնաշանով առկայծող փարոսիկներ կամ հատուկ ձայնային ազդանշաններ արձակող սարքերը տեղադրելը,
• օպերատիվ ծառայությունների տրանսպորտային միջոցների համար նախատեսված գունածածկապատկերներն օգտագործելը,
• առանց հաշվառման համարանիշի, կեղծված կամ փոխարինված համարանիշի տրանսպորտային միջոցներ վարելը,
• տրանսպորտային միջոցը տնօրինողի կողմից հաշվառման համարանիշն այլ անձի հանձնելը,
• դեղին հիմնագույնի հաշվառման համարանիշերը ուղևորափոխադրումներ իրականացնող երթուղին սպասարկելու ժամկետը լրանալուց հետո չվերադարձնելը,
• ոչ սթափ վիճակում վարելը,
• ոստիկանի կանգառ ազդանշանին չենթարկվելը,
• առանց ԱՊՊԱ կտրոն փակցնելու երթևեկելը: