ԵԼՔ-ն ու ՀՀԿ-ն չեն մասնակցելու քաղաքապետ ընտրելու համար գումարվող Երևանի ավագանու նիստին16 հուլիսի 2018 - 10:06 AMT PanARMENIAN.Net - Երևանի ավագանու ԵԼՔ ու ՀՀԿ խմբակցությունները չեն մասնակցի հուլիսի 16-ին գումարվող Երևանի ավագանու նիստին, որին պիտի կայանային քաղաքապետի ընտրությունները, և թեկնածու չեն առաջադրի։ Հուլիսի 14-ին արված ԵԼՔ-ի հայտարարությունում, մասնավորապես, նշվում է, որ նկատի ունենալով 2017 թվականին կայացած ավագանու ընտրությունների՝ բազմաթիվ խախտումներով և բռնություններով ուղեկցվելը, դաշինքում «անհրաժեշտ են համարում ներկայիս ավագանու արձակումը և առաջիկայում արտահերթ ընտրությունների անցկացումը»: ՀՀԿ խմբակցությունն իր որոշումը պայմանավարում է, «երկրում ստեղծված նոր իրողությամբ»։ «Խորապես համոզված ենք, որ, ստեղծված իրավիճակում Երևան քաղաքի հետագա բնականոն և շարունակական զարգացումը ապահովելու նպատակով, նոր քաղաքապետին և ավագանու անդամներին պետք է ընտրեն մայրաքաղաքի բնակիչները», - նշվում է խմբակցության հայտարարությունում։ Երրորդ՝ «Երկիր ծիրանի» խմբակցությունը, հայտարարել է Զարուհի Փոստանջյանին առաջադրելու մասին․ խմբակցությունը, սակայն չունի բավարար մանդատներ քաղաքապետ ընտրելու համար։ Օրենսդրության համաձայն, եթե սահմանված կարգով նիստը գումարելուց հետո` երկշաբաթյա ժամկետում, քաղաքապետի թեկնածու չի առաջադրվում, կամ առաջադրված մեկ թեկնածուն չի հավաքում անհրաժեշտ թվով ձայներ, ապա կառավարությունը կարող է կրճատել ավագանու լիազորությունների ժամկետը. այդ որոշման հետ միաժամանակ կառավարությունը նշանակում է ավագանու արտահերթ ընտրություններ: Ավագանու արտահերթ ընտրությունն անցկացվում է ավագանու լիազորությունների ժամկետը կրճատելուց հետո ոչ շուտ, քան 30, և ոչ ուշ, քան 40 օրվա ընթացքում: Ուշագրավ Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին Ամենաընթերցվողը բաժնում | Դեբեդ և Աղստև գետերի ավազաններում ջրի ելքերը նվազել են Առանձին դիտակետերում միայն դիտվել է ջրի ելքերի մեծացում Ոստիկանները, շղթա կազմելով, փորձել են խոչընդոտել կաթողիկոսի մուտքը Սարդարապատ Կադրերում երևում է, թե ինչպես է վեհափառը մի խումբ հոգևորականների հետ փորձում շարժվել դեպի հուշահամալիր, բայց ոստիկանները խոչընդոտում են ՌԴ-ն մտադիր է հյուպատոսություն բացել Ստեփանակերտում Նշվել է, որ իդեալական կլիներ, որ հյուպատոսությունը բացվեր 2024–ին Վարարման պատճառով մասնակի փլուզվել է նաև Իջևանի Խաշթառակ բնակավայր տանող կամուրջը Աշխատանքներ են իրականացվում հին շրջանցիկ ճանապարհը երթևեկելի դարձնելու ուղղությամբ |