Աբխազիան պատրաստ է ռազմական համաձայնագիր կնքել Ռուսաստանի հետ29 ապրիլի 2008 - 14:17 AMT PanARMENIAN.Net - Աբխազիան պատրաստ է ռազմական համաձայնագիր կնքել Ռուսաստանի հետ: Այդ մասին հայտարարել է չճանաչված հանրապետության ԱԳՆ ղեկավար Սերգեյ Շամբան: Նրա խոսքերով, այժմ ռազմական դաշինք ստեղծելու համար ավելի շատ հնարավորություններ են հայտնվել: Հնարավորություններ ասելով աբխազ նախարարը նկատի ուներ, որ Ռուսաստանը վերջերս հանել է առեւտրա-տնտեսական, ֆինանսական, տրանսպորտային եւ այլ սահմանափակումները:Մինչ դեռ, Թբիլիսին հերթական անգամ պահանջել է փակել ռուսական ռազմակայանը Գուդաուտում: «Մենք դիմել ենք ԵԱՀԿ-ին Գուդաուտում միջազգային փորձաքննություն անցկացնելու համար»,- հաղորդել է Վրաստանի փոխարտգործնախարար Գրիգոլ Վաշաձեն, նշելով, որ դրանից հետո ռազմակայանը պետք է փոխանցվի Վրաստանին: Վրացի զինվորականների կարծիքով, առանց օդաչու հետախույզ ինքաթիռը, որ ոչնչացվել է Աբխազիայի Գալիայի շրջանում, Գուդաուտի օդանավակայանից էր եւ պատկանում է Ռուսաստանի ՌՕՈՒ-ին, հաղորդում է ՌԲԿ-ն: Հիշեցնենք, որ ոչնչացված վրացական ինքնաթիռի հետ կապված միջադեպը նորից հանգեցրել է Մոսկվայի եւ Թբիլիսիի հարաբերությունների լուրջ սրմանը: Վրաց նախագահ Միխայիլ Սահակաշվիլին մեղադրել է ռուսական իշխանություններին ագրեսիայի մեջ եւ փորձել է բացատրել, որ առանց օդաչու ինքաթիռը ոչնչացվել է ռուսական կործանիչի կողմից վրացական տարածքում: Ռուսական կողմը հայտարարում է, որ ինքնաթիռը կործանվել է չճանաչված հանրեպատության տարածքում, որտեղ ըստ 1994 թվականի համաձայնագրի արգելված են վրաց ավիացիայի թռիչքները: Մոսկվայում հայտարարում են, որ Թբիլիսիի գործողությունները ուղղված են հակամարտության գոտում իրադրության սրմանը: Իր հերթին, աբխազ զինվորականները պնդում են, որ իրականում այդ ինքնաթիռը ոչնչացվել է իրենց ՀՕՊ միջոցների կողմից Գալիայի շրջանում: Անցյալ շաբաթ կոնֆլիկտային թեման քննարկվել է անգամ ՄԱԿ-ի Անվտանգության խորհրդում, սակայն Վրաստանի նախաձեռնությամբ հրավիրված նիստը անարդյունք ավարտվեց: Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական | Գլենդելի քաղաքապետը կժամանի Հայաստան Նա կայցելի Երևան, Գյումրի գուցե նաև Կապան «Երևանի գինու օրերը»՝ Ակբա բանկի հետ Այս տարի 12-ով ավելացել է մասնակից գինեգործների թիվը՝ հասնելով 87-ի Օ՛Բրայեն. ՀՀ հետ առևտուրն ընդլայնելու, գլոբալ առևտրում երկրի մասնաբաժինը մեծացնելու հնարավորություն կա Նա նշել է, որ մաքսային ոլորտում տեղեկատվության փոխանակման մասին համաձայնագիր կստորագրվի Օ՛Բրայեն. Շարունակելու ենք աշխատել ՀՀ հետ պաշտպանության և անվտանգության հարցերում «Անցած տարի տեղի ունեցավ առաջին համատեղ զորավարժությունը, սպասում ենք ավելիի»,–ասել է նա |