ՀՀ-ն ու ՌԴ-ն կարող են Կինոյի հիմնադրամ ստեղծել՝ աջակցելու համատեղ նախագծերին26 հուլիսի 2018 - 11:24 AMT PanARMENIAN.Net - Հայաստանը և Ռուսաստանը կարող են Կինոյի հիմնադրամ ստեղծել համատեղ կինոնախագծերին աջակցելու նպատակով։ Այդ մասին հայտարարել է ՌԴ մշակույթի նախարար Վլադիմիր Մեդինսկին ՀՀ մշակույթի նախարար Լիլիթ Մակունցի հետ հանդիպմանը՝ հիշեցնելով, որ արդեն քննարկել է այդ գաղափարը ՀՀ վարչապետ Նիկոլ Փաշինյանի հետ: «Մենք ունենք համատեղ կինոնախագծեր, մի քանի տարի առաջ «Երկրաշարժ» ֆիլմը էկրան բարձրացավ, այս տարի՝ «Սպիտակը», որը Մոսկվայի միջազգային կինոփառատոնում արժանացավ «Արծաթե Գեորգի» մրցանակին լավագույն ռեժիսուրայի համար»,- ասել է Մեդինսկին՝ նշելով, որ երկու երկրները բավականին շատ հետաքրքիր ընդհանուր թեմաներ ունեն, որոնք կարող են այս կամ այն ֆիլմի հիմքում լինել, ասվում է ՌԴ մշակույթի նախարարության կայքէջում հրապարակված հաղորդագրության մեջ: Նրա խոսքով, ընդհանուր կապիտալով հիմնադրամը կարող է հանդես գալ որպես պատվիրատու ինչպես ֆիլմարտադրության, այնպես էլ համատեղ ֆիլմերի առաջմղման գործում, ընդ որում, հիմնադրման մեխանիզմը կարող է «շատ պարզ լինել», առանց «բյուրոկրատական կառուցվածքի»: «Դա կարող է լինել որևէ իրավաբանական անձ, որը տնօրեն կունենա և հայկական, և ռուսական կողմից, և փորձագիտական խորհուրդ, որոնք կորոշեն, թե որ նախագծերին են աջակցելու։ Դրանք կարող են լինել ինչպես սոցիալական, այնպես էլ կոմերցիոն ֆիլմեր»,- ասել է Մեդինսկին՝ հավելելով, որ հիմնադրամը, օրինակ, կարող է գումար հատկացնել, հետո վերադարձնելու պայմանով։ ՀՀ մշակույթի նախարար Լիլիթ Մակունցն իր հերթին կինոյի հայ-ռուսական հիմնադրամի ստեղծումը լավ գաղափար է համարել։ «Պետք է հասկանալ, թե ինչ քայլեր է պետք ձեռնարկել, ինչ ձևաչափով, մարդկային և ֆինանսական ինչ ռեսուրսներ են հարկավոր»,- ասել է նա: ՌԴ մշակույթի նախարարը հրավիրել է Մակունցին մասնակցելու Սանկտ Պետերբուրգի VII միջազգային մշակութային համաժողովին, որն անցկացվելու է նոյեմբերի 15-17-ը: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Սիմոնյանը Ժնևում քննարկումներ է ունեցել Կանադայի սենատի նախագահի և Քաթարի խորհրդարանի փոխխոսնակի հետ Քննարկվել են մի շարք փոխադարձ հետաքրքրություն ներկայացնող հարցեր Միրզոյանը Նիդերլանդների ԱԳ նախարարի հետ հանդիպմանն անդրադարձել է տարածաշրջանային հարցերի Միրզոյանը շեշտել է Ալմաթիի հռչակագրի հիման վրա սահմանազատման հստակության ապահովման կարևորությունը Միրզոյանը ԵԽ մարդու իրավունքների հանձնակատարի հետ հանդիպամնն անդրադարձել է Բաքվում պահվող հայերի ազատ արձակման խնդրին Անդրադարձ է կատարվել նաև հումանիտար բնույթի հարցերի Բագրատ սրբազանը՝ վարչապետի թեկնածու առաջադրվելու մասին․ Պաշտոնական որոշում չկա Նա նշել է, որ մյուս կիրակի է հանդիպելու Ամենայն հայոց կաթողիկոս Գարեգին Երկրորդի հետ |