«Սասնա ծռերը» և ՀԽ-ն կոչ են անում «մեկ մարդու պես» մասնակցել օգոստոսի 17-ի հանրահավաքին 6 օգոստոսի 2018 - 14:55 AMT PanARMENIAN.Net - Հիմնադիր խորհրդարանը և«Սասնա ծռեր» խմբավորումը կոչ են անում «մեկ մարդու պես» մասնակցել օգոստոսի 17-ի հանրահավաքին՝ նշելով, որ վարչապետ Նիկոլ Փաշինյանի օգոստոսի 17-ին Հանրապետության հրապարակում հրավիրած հանրահավաքը շատ կարևոր մի հանգրվան է ազգի և պետության համար բախտորոշ այս ժամանակաշրջանում: Տարածված հայտարարության մեջ ասվում է, որ Հայաստանում սկիզբ առած հեղափոխությունը դեռևս գտնվում է սկզբնական փուլում: «Այն իր ավարտին կհասնի, երբ պետությունը ձեռք կբերի լիարժեք ինքնիշխանություն, Արցախն իրավականորեն վերամիավորված կլինի Մայր Հայրենիքին, և երկրում անվերադարձ հաստատված կլինեն ստեղծագործ մարդու ունակությունների դրսևորման ազատ դաշտ ապահովող պետական կառավարման համակարգ և հասարակական հարաբերություններ: Այս գործընթացում սպասվող հաջորդ ամենակարևոր հանգրվանը ազատ և արդար ընտրությունների կայացումն է: Իշխանությունը կորցրած քրեաօլիգարխիան և նրան հովանավորող կայսերական տերությունը, գիտակցելով, որ ներկապայմաններում ընտրությունների կայացումը համազոր է լինելու իրենց լծակների ամբողջական կորստին, վերջին հուսահատ ճիգերն են ի գործ դնում՝ նպատակ ունենալով հետ շրջել պատմության անիվը: Նման, թեկուզ և՝ անհավանական զարգացում բացառելու առումով օգոստոսի 17-ի հանրահավաքն ունի համազգային նշանակություն և դրան մասնակցելը յուրաքանչյուր հայի ու ՀՀ քաղաքացու ազգային-քաղաքացիական պարտքն է»,-ասվում է հայտարարության մեջ: Նշվում է, որ հանրահավաքը պետք է դառնա ոչ միայն կառավարության 100-օրյա գործունեության ամփոփման և Հայաստանի զարգացման հեռանկարների քննարկման հարթակ, այլև՝ համազգային միասնության, ուժի և վճռականության հաղթահանդես: «Հանրահավաքը պետք է ցույց տա, որ մենք ենք մեր երկրի ու ապագայի տերը, որ Հայաստանի ինքնիշխանության գործընթացն անշրջելի է, Արցախի ազատագրմամբ սկսված Հայրենիքի ամբողջական վերատիրացումը և հայության համամարդկային առաքելության վերաստանձնումը մեր կյանքի իմաստն ու հիմնական նպատակն է, իսկ մենք այդ ամենի կենդանի ժառանգորդներն ու զինվորներն ենք: Ուստի բոլորին՝ անկախ քաղաքական հայացքներից, կոչ ենք անում մեկ մարդու նման մասնակցել օգոստոսի 17-ին Հանրապետության հրապարակում կայանալիք հանրահավաքին»,-ասվում է հայտարարության մեջ: Ըստ խմբավորման, մյուս կողմից, վաղուց ժամանակն է, որ վերջ տրվի առանձին «հայկական պետության» երեսնամյա գոյության խեղկատակությանը և Արցախը լիարժեք իրավունքով և պատասխանատվությամբ իր տեղը գրավի միացյալ Հայրենիքի գրկում: «Այս հանգամանքն առավել կարևորություն է ստանում այս օրերին, երբ Արցախն ու հատկապես ազատագրված տարածքների գործոնը լկտիաբար շահարկվում են ռեվանշիստ ուժերի կողմից: Ուստի կոչ ենք անում Արցախի մեր հայրենակիցներին և առողջ քաղաքական նախաձեռնություններին և խմբավորումներին նույն օրը և նույն ժամին հանրահավաք կայացնել Ստեփանակերտում»,-ասվում է հայտարարության մեջ: Ավելի վաղ հայտնի դարձավ, որ «Ազգային Ժողովի առաջիկա արտահերթ ընտրություններին մասնակցելու նպատակով, «Հիմնադիր Խորհրդարան» կազմակերպությունը և «Սասնա ծռեր» խմբավորման անդամները նախաձեռնելու են կուսակցության ստեղծման գործընթաց: «Սասնա ծռեր» խմբավորումը 2016 թվականին գրավել էր Էրեբունու ՊՊԾ գնդը, զոհվել էր 3 ոստիկան։ Թավշյա հեղափոխությունից հետո խմբավորման բազմաթիվ անդամների ու նրանց աջակիցների հանդեպ, դատարանների որոշմամբ, խափանման ձևը փոխվել է, նրանք գրավով ազատ են արձակվել։ Ուշագրավ Վարույթ իրականացնող մարմինն այլևս չի կարծում, որ պետությանը պատճառվել է վնաս Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ամենաընթերցվողը բաժնում | ԶԼՄ. ՀՀ–ն դիտարկում է Իրանի Չաբահար նավահանգստում India Ports Global Ltd. & Ports օպերատորի հետ գործակցության տարբերակը Ստեղծվել է միջգերատեսչական աշխատանքային խումբ Idcoin. IDBank-ի հավատարմության համակարգի նոր գործիքը Մեկ idcoin-ը հավասար է մեկ դրամի ԳՇ պետն ու Ֆրանսիայի ցամաքային զորքերի հրամանատարը քննարկել են գործակցության զարգացումը Ձեռք են բերվել պայմանավորվածություններ Սոկուրովը մագիստրոսական դասընթաց կվարի Երևանի թատրոնի և կինոյի ինստիտուտում Բուհում արվեստանոց ունենալու առաջարկը նա ստացել է ռեկտորից |