Գերմանացի նախարար. Ի տարբերություն ՀՀ-ի, Գերմանիայում ՏՏ ոլորտում ուսումը հասու է հասարակության միայն փոքր մասին 30 օգոստոսի 2018 - 11:22 AMT PanARMENIAN.Net - Վերջերս Հայաստան այցելած Գերմանիայի պատվիրակությունը, որը գլխավորում էր կանցլեր Անգելա Մերկելը, տպավորված է Թումո Ստեղծարար տեխնոլոգիաների կենտրոնի գործունեությամբ: Այդ մասին Reuters գործակալությանը տված հարցազրույցում հայտարարել է Գերմանիայի թվային զարգացման նախարար Դորոտեա Բերը: Հայաստան կատարած պաշտոնական այցի շրջանակներում Գերմանիայի կանցլեր Անգելա Մերկելը այցելել է «Թումո» ստեղծարար տեխնոլոգիաների կենտրոն:Թումոցիները Անգելա Մերկելին ցուցադրում են ռոբոտաշինության, ծրագրավորման և այլ նախագծեր: Նրան և պատվիրակությանը շատ է դուր եկել այն հանգամանքը, որ ծրագրավորումն ուսուցանվում է պարզ, նույնիսկ խաղային մթնոլորտում: «Կաշխատեմ, որ Թումոյի պես մի նախագիծ Գերմանիայում էլ ներդրվի», -ասել է գերմանացի նախարարը: Դորոտի Բերը բավականին քննադատաբար է խոսել Գերմանիայում ծրագրավորման ուսուցման համակարգի մասին՝ նշելով, որ ի տարբերություն Հայաստանի, Գերմանիայում ուսուցումը նորագույն տեխնոլոգիաներին հասու է հասարակության միայն փոքր մասին: Նախարարը նաև ուշադրություն է դարձել այն հանգամանքին, որ Թումոյի ուսանողների թվում շատ են աղջիկները: Ըստ նրա, 6-10 տարեկան երեխաները ոգևորությամբ են ընկալում այն ամենն, ինչ վերաբերում է տեխնոլոգիաներին, իսկ տղաների ու աղջիկների հետաքրքրություններն այդ տարիքում շատ չեն տարբերվում, ինչը թույլ է տալիս նրանց ծրագրավորում սովորեցնել: Վերջին շրջանում Թումոն միջազգային ճանաչում է ստացել: Երևան այցից հետո Փարիզի քաղաքապետ Անն Իդալգոն որոշեց նմանատիպ կենտրոն բացել նաև Ֆրանսիայի մայրաքաղաքում, որի բացումը տեղի կունենա սեպտեմբերի վերջին: Նմանատիպ կենտրոններ են բացվելու նաև Ռուսաստանում, Ալբանիայում և Լիբանանում: Թումոյի գործադիր տնօրեն Մարի Լու Փափազյանն ավելի վաղ ասել էր. «Թումո Փարիզի բացումը մեզ համար շատ կարևոր իրադարձություն է: Այս քայլով մեկնարկում է մեր միջազգային տարածումը, որը թույլ կտա Թումոյի կրթական նոր մեթոդները հասանելի դարձնել միջազգային հանրությանը՝ միևնույն ժամանակ ապահովելով Հայաստանում 25 Թումո կենտրոններ բացելու համար անհրաժեշտ ֆինանսական և մարդկային ռեսուրսները»:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
