  «Կինոշոկում» լավագույն դերասանուհի է ճանաչվել Նարինե Գրիգորյանը՝ «Եվա» ֆիլմում դերի համար 10 սեպտեմբերի 2018 - 11:53 AMT PanARMENIAN.Net - ԱՊՀ և Բալթյան երկրների «Կինոշոկ» 27-րդ կինոփառատոնում «Լավագույն դերասանուհի» անվանակարգում հաղթող է ճանաչվել Նարինե Գրիգորյանը: Նա մրցանակին է արժանացել Անահիտ Աբադի «Եվա» ֆիլմում դերակատարման համար, հայտնում է Ինտերֆաքսը: «Կինոշոկ» 27-րդ կինոփառատոնն անցկացվել է Անապայում սեպտեմբերի 2-9-ը։ Փառատոնի ծրագրերում ներկայացված էր 67 ֆիլմ: «Եվա» հայ-իրանական համատեղ արտադրության խաղարկային ֆիլմը նկարահանել է իրանահայ ռեժիսոր Անահիտ Աբադը: Այն դրամատիկ պատմություն է մի կնոջ մասին, ով ուզում է մոռանալ տարիներ առաջ իր կյանքում տեղի ունեցած մութ ու ծանր պատմությունը։ Եվան դստեր հետ հեռանում է Երևանից, հաստատվում է Արցախում՝ ծանոթների մոտ։ Սակայն, անցյալն ամենուր հետապնդում է նրան: Ավելի վաղ, Թուրքիայի ներքին գործերի նախարարությունն Ադրբեջանի պահանջով արգելել է Ստամբուլում անցկացվող «Ֆիլմմոր» միջազգային կինոփառատոնում ցուցադրել իրանահայ ռեժիսոր Անահիտ Աբադի «Եվա» ֆիլմը: Փառատոնի «Լավագույն դերասան» անվանակարգում լավագույնն է ճանաչվել Վլադիմիր Տոլոկոննիկովը (հետմահու)։ Գլխավոր մրցանակը ստացել է Տաալայբեկ Կուլմենդեևի (Ղրղզստան) «Մունաբիյա» ֆիլմը, որը մրցանակ է ստացել նաև լավագույն սցենարի համար։ Լավագույն ռեժիսոր է ճանաչվել Ալեքսեյ Շեմեսը «Պապ» ֆիլմի համար։ Հղումներ թեմայով.   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
