Վանեցյանի թեկնածությունն առաջադրվել է ՀՖՖ նախագահի պաշտոնում13 սեպտեմբերի 2018 - 16:34 AMT PanARMENIAN.Net - Հայաստանի ֆուտբոլի ֆեդերացիան (ՀՖՖ) հրապարակել է ֆեդերացիայի անդամների կողմից առաջադրված՝ ՀՖՖ նախագահի և գործկոմի անդամների թեկնածուների ցուցակը:ՀՖՖ նախագահի պաշտոնում առաջադրվել է Ազգային անվտանգության ծառայության (ԱԱԾ) տնօրեն Արթուր Վանեցյանի թեկնածությունը: Նրա թեկնածությանը կողմ են եղել ՀՖՖ իրավաբանական անձանց միության (ԻԱՄ) բոլոր անդամները: Սեպտեմբերի 22-ին կայանալու է ՀՖՖ իրավաբանական անձանց միության (ԻԱՄ) 17-րդ արտահերթ ժողովը և ՀՖՖ հասարակական կազմակերպության հիմնադիր ժողովը: Գործկոմի կազմում առաջադրվել է 16 թեկնածու: Թեկնածուների թվում են նաև առողջապահության նախարար Արսեն Թորոսյանը, տարածքային կառավարման և զարգացման նախարար Սուրեն Պապիկյանը, Ազգային ժողովի պատգամավոր Ալեն Սիմոնյանը: Թեկնածուներից է նաև ՖԻՖԱ-ի պատվիրակ Մարինա Թաշչյանը՝ նա Հայաստանի ֆուտբոլի հավաքականի ավագ Հենրիխ Մխիթարյանի մայրն է: Առողջապահության նախարար Արսեն Թորոսյանն իր ֆեյսբուքյան էջում անհրաժեշտ է համարել պարզաբանել, որ այդ պաշտոնում զբաղվելու է առավելապես իր մասնագիտական ոլորտին առնչվող` բժշկական ապահովման, հարցերով: «Ինչպես տեղյակ եք, սեպտեմբերի 22-ին կայանալու է ՀՖՖ ԻԱՄ 17-րդ արտահերթ ժողովը և ՀՖՖ ՀԿ հիմնադիր ժողովը, որի ընթացքում կայանալու են ՀՖՖ նախագահի և Գործկոմի անդամների ընտրությունները:Առաջադրված է նաև իմ` որպես ՀՖՖ Գործկոմի անդամի թեկնածությունը, ինչի առթիվ անհրաժեշտ եմ համարում պարզաբանել, որ այդ պաշտոնում զբաղվելու եմ առավելապես իմ մասնագիտական ոլորտին առնչվող` բժշկական ապահովման, հարցերով»,-ասվում է գրառման մեջ: Ավելի վաղ Հայաստանի ֆուտբոլի ֆեդերացիայի նախագահ Ռուբեն Հայրապետյանը հայտարարել էր, որ հեռանալու է նախագահի պաշտոնից, իսկ լավագույն թեկնածու է համարում ԱԱԾ տնօրեն Արթուր Վանեցյանին: Հղումներ թեմայով. Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |