Ադրբեջանում լայնածավալ զորավարժություններ կանցկացվեն14 սեպտեմբերի 2018 - 13:40 AMT PanARMENIAN.Net - Ադրբեջանում սեպտեմբերի 17-22-ը լայնածավալ օպերատիվ-տակտիկական զորավարժություններ կանցկացվեն: Այդ մասին հայտարարել է երկրի պաշտպանության նախարարությունը: Զորավարժություններին, որոնք կանցնեն ՊՆ ղեկավար, գեներալ-գնդապետ Զաքիր Հասանովի ղեկավարությամբ, կմասնակցի մոտ 20.000 զինծառայող, ավելի քան 200 միավոր տանկ և այլ զրահատեխնիկա, տարբեր տրամաչափի ավելի քան 120 հրթիռահրետանային կայանքներ, համազարկային կրակի ռեակտիվ համակարգեր և ականանետներ, մինչև 30 միավոր տարբեր նշանակության բանակային և ռազմաճակատային ավիացիա, գրում է Trend-ը: «Զորավարժությունների ընթացքում մշակվելու են մի քանի ուղղությամբ հակառակորդի պաշտպանության գծի տանկային ճեղքման, Ղարաբաղի տարածքում Հայաստանի առաջապահ ստորաբաժանումների և զինված խմբավորումների ջախջախման, ինչպես նաև ավիացիոն հարվածների և հրթիռահրետանային գնդակոծությունների միջոցով թշնամու տարածքում ռազմական և ռազմավարական օբյեկտների ոչնչացման ճանապարհով գրավյալ տարածքների ազատագրման խնդիրների լուծման գործողություններ»,-ասվում է հաղորդագրության մեջ: Ադրբեջանի ՊՆ-ն հայտնել է, որ զորավարժություններին մասնակցելու է նորագույն ռազմատեխնիկա և զենք, որոնք հայտնվել են Ադրբեջանի ԶՈւ-ում վերջին 10 տարում: Սեպտեմբերի 11-14-ը Հայաստանում անկացվել են «Շանթ 2018» հրամանատարաշտաբային զորավարժությունները, որի ընթացքում պետությունը բերվել էր պայմանական պատերազմական վիճակի:Սցենարով և անակնկալ իրավիճակներով փորձարկվել են բոլոր պետական կառույցների ունակություններն ու հմտությունները: Զորավարժությունը նպատակաուղղված էր պաշտպանությանը պետության անմիջական նախապատրաստության և ագրեսիայի հետմղման ընթացքում պետական և ռազմական կառավարման մարմինների զորահավաքային նախապատրաստության, պատրաստականության բարձր աստիճանների բերման ունակության վերստուգմանը, փոխգործակցության և գործողությունների ներդաշնակության մակարդակի բարձրացմանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Սփյուռքի գործերի գլխավոր հանձնակատարը գործուղվել է Իտալիա Հանդիպումներ կլինեն տեղի պաշտոնատար անձանց, հայկական կառույցների հետ ՊՆ. Սուտ է, թե Տավուշի հատվածում Ադրբեջանը կրակել է հայկական դիրքերի ուղղությամբ Նախարարությունը հորդորում է հետևել գերատեսչության պաշտոնական հաղորդագրություններին Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները |