Կալանավորների տոնական ճաշացանկը. Ինչով են սնվել Ամանորին ՔԿՀ-ներում 8 հունվարի 2019 - 16:15 AMT PanARMENIAN.Net - Հայաստանի Հանրապետության արդարադատության նախարարության ենթակայության տակ գտնվող քրեակատարողական հիմնարկներում Ամանորին տոնական ճաշացանկ է գործել: PanARMENIAN.Net - ի հետ զրույցում ՀՀ ԱՆ քրեակատարողական ծառայության հանրային կապերի բաժնի պետ Նոնա Նավիկյանը ներկայացրեց, թե ինչ են կերել տոներին կալանավորները: Տոնական ճաշացանկում եղել են ավանդական տոլմա, թարմ մսով խաշլամա, բանջարեղենային աղցան, հավի մսով և բրնձով փլավ, հավապուր, մրգեղեն և մրգային հյութ: Ի դեպ, դեկտեմբերի 7-ին կալանավորված՝ Մարտի 1-ի գործով մեղադրյալ ՀՀ երկրորդ նախագահ Ռոբերտ Քոչարյանը գտնվում է ՀՀ ԱՆ «Երևան-Կենտրոն» քրեակատարողական հիմնարկում: PanARMENIAN.Net - ը Քոչարյանի պաշտպան Արամ Օրբելյանից հետաքրքրվեց՝ արդյոք 2-րդ նախագահին Ամանորի առթիվ սնունդ փոխանցել են։ Օրբելյանը հայտնեց, որ, ըստ օրենքի, ամսվա կտրվածքով կալանավորների մտերիմներին թույլատրվում է փոխանցել մինչև 70 կգ ծանրոցներ՝ բացառությամբ օրենքով արգելված նյութերի: «Իմ տեղեկություններով, պարոն Քոչարյանին պարբերաբար փոխանցվել են ծանրոցներ», - ասաց նա: Միևնույն ժամանակ փաստաբանը նկատեց, որ տոնական ոչ աշխատանքային օրերին քրեակատարողական հիմարկների աշխատակիցները նույնպես թեթև աշխատանքային գրաֆիկ են ունեցել, և այդ օրերին, Օրբելյանի տեղեկություններով, ծանրոցներ չեն փոխանցվել: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Սիմոնյանը Ժնևում քննարկումներ է ունեցել Կանադայի սենատի նախագահի և Քաթարի խորհրդարանի փոխխոսնակի հետ Քննարկվել են մի շարք փոխադարձ հետաքրքրություն ներկայացնող հարցեր Միրզոյանը Նիդերլանդների ԱԳ նախարարի հետ հանդիպմանն անդրադարձել է տարածաշրջանային հարցերի Միրզոյանը շեշտել է Ալմաթիի հռչակագրի հիման վրա սահմանազատման հստակության ապահովման կարևորությունը Միրզոյանը ԵԽ մարդու իրավունքների հանձնակատարի հետ հանդիպամնն անդրադարձել է Բաքվում պահվող հայերի ազատ արձակման խնդրին Անդրադարձ է կատարվել նաև հումանիտար բնույթի հարցերի Ճամփորդություն տելեկոմի անցյալով և ապագայով. Վերաբացվել է Կապի թանգարանը Թանգարանում առաջին շրջայցն անցկացրել է ընկերության գլխավոր տնօրեն Հայկ Եսայանը |