Ռազմական հեղաշրջման փորձը Վենեսուելայում ճնշվել է22 հունվարի 2019 - 11:36 AMT PanARMENIAN.Net - Վենեսուելայի Ազգային գվարդիայի մի խումբ զինվորականներ փորձել են զինված խռովություն բարձրացնել երկրի նախագահ Նիկոլաս Մադուրոյի դեմ: Դա տեղի է ունեցել հունվարի 21-ին Կարակասից դեպի հյուսիս գտնվող Սան Խոսե դե Կոտիսա բնակավայրում: Խռովության փորձը ճնշվել է, «հարձակվողների խումբը չեզոքացվել, նրանք հանձնվել և կալանավորվել են: Այդ մասին Twitter-ի իր միկրոբլոգում է գրել Մադուրոյի կողմնակից և Սահմանադրական ժողովի նախագահ Դյոսդադո Կաբելյոն: Ըստ պաշտոնական տեղեկությունների, գիշերը 27 գվարդիականներ գրոհել են Պետար քաղաքի ռազմական հենակետը և զավթել այնտեղ եղած զենքը: Հետո նրանք տեղափոխվել են Կարակաս, որից հետո տեսանյութ են հրապարակել YouTube-ում՝ Մադուրոյի դեմ ապստամբության կոչով, գրում է Deutsche Welle-ն: Սան Խոսե դե Կոտիսայի բնակիչների դեմ, որոնք սատարել են խռովարարներին, իշխանություններն արցունքաբեր գազ են կիրառել: Ինչպես գրել է Twitter-ում ընդդիմադիր Ազգային ժողովի նախագահ Խուան Գուաիդոն, միջադեպը վկայում է այն «ընդհանուր զգացողության մասին, որն իշխում է Վենեսուելայի բանակում»: Հունվարի 10-ին Նիկոլաս Մադուրոն երկրորդ անգամ ստանձնեց Վենեսուելայի նախագահի պաշտոնը այն բանից հետո, երբ 2018-ի մայիսին հաղթեց ընտրություններում, որոնք ընդդիմությունը բոյկոտում էր: Մադուրոյի վերընտրվելը չեն ճանաչել ԵՄ-ն, ԱՄՆ-ն, Լատինական Ամերիկայի երկրների մեծ մասը: Խուան Գուաիդոն հայտարարել է, որ իրավունք ունի ստանձնելու երկրի նախագահի լիազորությունները: Նա կոչ է արել ընդդիմության կողմնակիցներին հունվարի 23-ին բողոքի զանգվածային ակցիայի դուրս գալ: Հղումներ թեմայով. Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Մինչև 2 տարեկան երեխաները կկարողանան մանկապարտեզ հաճախել Դա դեռևս պիլոտային ծրագիր է Կիրանցում բնակիչները քանդում են գույքը՝ տարածքը հանձնելուց առաջ Բնակիչներից մեկն էլ փորձել է այրել իր հողակտորը, որը ևս պետք է անցնի Ադրբեջանին Հայաստանում առաջին մյուսլի արտադրող ընկերությունն է հիմնադրվել Հայկական առաջին մյուսլիների արտադրության գործընկերն Ակբա Ֆեդերացիան է Բիբլոս Բանկ Արմենիան` ապագա նորարաների կողքին. Բարի գալուստ CaseKey 2024 Առաջիկա 6 ամսվա ընթացքում մասնակիցները կլուծեն 4 բիզնես քեյս |