Չայլդիշ Գամբինոյի This is America երգը՝ լավագույնը «Գրեմմիում»

11 փետրվարի 2019 - 12:22 AMT

PanARMENIAN.Net - Փետրվարի 10-ին Լոս Անջելեսում տեղի է ունեցել «Գրեմմի» երաժշտական մրցանակի 61-րդ մրցանակաբաշխությունը: Մրցանակը սահմանել է Ամերիկայի ձայնագրող ընկերությունների ասոցիացիան:

Պարգևներ են հանձնվել 84 անվանակարգում: «Տարվա երգ է ճանաչվել որպես Childish Gambino հայտնի ամերիկացի ռեփեր Դոնալդ Գլովերի This is America երգը:

Խոսքերը գրել է ինքը Գլովերը, երաժշտությունը Գլովերը շվեդ կոմպոզիտոր Լյուդվիգ Յորանսոնի հետ համագործակցությամբ, հայտնում է Deutsche Welle-ն:

This is America-ն մրցանակներ է ստացել նաև «Լավագույն երաժշտական տեսանյութ» և «Լավագույն ռեփ/վոկալ կատարում» անվանակարգերում:

2018-ի լավագույն ալբոմ է ճանաչվել Քեյսի Մասգրեյվի Golden Hour-ը, իսկ »Լավագույն դեբյուտ» անվանակարգում հաղթել է երգչուհի Դուա Լիպան:

Լեդի Գագան պարգևատրվել է «Լավագույն փոփ մեներգի/կատարման» համար » (Joanne կոմպոզիցիայի համար) և «Լավագույն երգ վիզուալ ԶԼՄ-ների համար» անվանակարգում (Shallow-ն «Աստղը ծնեց» ֆիլմից):

Մրցանակակիրներից Արիանա Գրանդեն չէր մասնակցում մրցանակաբաշխությանը՝ նա բոյկոտ է հայտարարել կազմակերպիչներին, որոնք թույլ չեն տվել նրան կատարել 7 Songs նոր թրեկը: Նա հաղթել է «Լավագույն վոկալ փոփ ալբոմ անվանակարգում Sweetener-ի համար:

«Օպերային կատարման լավագույն ձայնագրություն» անվանակարգում ներկայացված հայտնի ռուս երգիչ Դմիտրի Խվորոստովսկին, որը մահացել է քաղցկեղից 2017-ի նոյեմբերին, մրցանակի չարժանացավ: Նա Վերդիի «Ռիգոլետտոյի» վրա աշխատել է հայտնի ռեժիսոր Կոնստանտին Օրբելյանի հետ:

Հղումներ թեմայով.

Deutsche Welle: Жюри оставило без награды посмертно номинированного на "Грэмми" Хворостовского

CNN. Grammys 2019: Kacey Musgraves has a golden night with album of the year win