Փաշինյան. Ձեռքի տակ շատ ներդրումային ծրագրեր ունենք, իրատեսականները ֆիլտրելու մեխանիզմ ենք մշակել 15 փետրվարի 2019 - 11:54 AMT PanARMENIAN.Net - ՀՀ վարչապետ Նիկոլ Փաշինյանը կառավարության փետրվարի 15-ի նիստում հանձնարարել է վերանայել մինչև այժմ ներկայացված բոլոր ներդրումային առաջարկները, գույքագրել դրանցից յուրաքանչյուրի ընթացքը, բացահայտել խնդիրները, կենտրոնացնել ամբողջ տեղեկատվությունը ՀՀ տնտեսական զարգացման և ներդրումների նախարարությունում: Նա ասել է, որ կառավարության ձեռքի տակ կան բազմաթիվ ներդրումային ծրագրեր: «Այդ ներդրումային ծրագրերի մի մասը իրականանալի է, մի մասն անլուրջ է, մի մասը պետք է վերանայվի: Իմ խնդրանքն է, որ ամբողջ տեղեկատվությունը ներդրումային բանակցությունների վերաբերյալ կենտրոնանա մեկ գերատեսչությունում», - ասել է վարչապետը: Փաշինյանը հայտնել է, որ ՀՀ փոխվարչապետ Մհեր Գրիգորյանի առաջարկով հնարավոր ներդրողների հետ գործակցությունն ավելի արդյունավետ կազմակերպելու համար ֆիլտրող մեխանիզմ է մշակվել: «Այս ընթացքում գալիս են տարբեր ներդրողներ, երբեմն լինում է, որ մենք ոչ լուրջ խոսակցության վրա ժամանակ ենք ծախսում: Սրանից խուսափելու համար ֆիլտր ենք մշակել՝ առաջարկվում է բանակցել ներդրումային առաջարկներ ներկայացնող միայն այն անձանց հետ, որոնք բանկերից կներկայացնեն տեղեկանք, որը ցույց կտա նրանց բանկային պատմությունը. դա շատ կարևոր է նրանց ներդրումային պոտենցիալը հասկանալու համար», - ասել է Փաշինյանը՝ հանձնարարելով ժամանակ չծախսել այնպիսի ներդրողների վրա, որոնք այսպիսի հավաստիացումներ չեն ունենա: Ընթերցեք նաև՝ «Վարչապետի 15 հանձնարարականը՝ տնտեսական հեղափոխության մեկնարկին»:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
