Քոչարյանի պաշտպանը, Բաբուխանյանը գրանտ են ստացել Սորոսի հիմնադրամից 5 մարտի 2019 - 14:14 AMT PanARMENIAN.Net - «Բաց հասարակության հիմնադրամներ-Հայաստանի» (ամերիկացի միլիարդատեր Ջորջ Սորոսին պատկանող հիմնադրամը) գործադիր տնօրեն Լարիսա Մինասյանը լրագրողների հետ զրույցում հայտարարել է, որ Մարտի 1-ի գործով մեղադրյալ ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանը դրամաշնորհ է ստացել իրենց հիմնադրամից: Քոչարյանն իր մի շարք հացազրույցներում մշտապես մեղադրել է նոր իշխանություններին՝ Ջորջ Սորոսին պատկանող հիմնադրամից դրամաշնորհներ վերցնելու մեջ: Վերջերս էլ «168 ժամին» տված հարցազրույցում նա ասել է, որ Հայաստանը «գործ ունի Սորոսի սաների հետ (նոր իշխանությունների ներկայացուցիչներին նկատի ունի), որոնք, ցավոք, վատ են ճանաչում և վատ են հասկանում Ռուսաստանն ու նրա մշակույթը»: «Հիմա ի՞նչ, պարոն Ալումյանը, որը մեզանից դրամաշնորհ է ստանում, Ռոբերտ Քոչարյանին պաշտպանում է Սորոսի ցուցումով», - ասել է Մինասյանը: Մինասյանը նաև նշել է, որ «Սորոսի հիմնադրամից» գրանտ են ստացել նաև ՀՀ ԱԺ նախկին նախագահ Արա Բաբլոյանը, նախկին ՀՀԿ-ական պատգամավոր Կարեն Բեքարյանը, Հայկ Բաբուխանյանը, Գևորգ Կոստանյանը: «Միջազգային քրեական դատարանին նվիրված գիտաժողովին մենք ֆինանսավորել ենք Հայկ Բաբուխանյանի ուղևորությունը: Բաբուխանյանը չէ կարևորը, Կոստանյանը չէ կարևորը, կարևորը այն ծրագրերն են, այն գաղափարներն են, որոնք այդ ժամանակ և ընդհանրապես կարևոր են մեր երկրի համար», - ասել է նա: Մի շարք կարկառուն ՀՀԿ-ականներ՝ այդ թվում նաև Բաբուխանյանը, տարիներ շարունակ մեղադրել են քաղաքացիական հասարակության և ընդդիմության ներկայացուցիչներին օտարերկրյա հիմնադրամներից դրամաշնորհ ստանալու և, իրենց դիտարկմամբ, «ապազգային ծրագրեր, հայ հասարակությունն այլասերող գաղափարներ տարածելու մեջ»: Ուշագրավ Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին Ամենաընթերցվողը բաժնում | Մարուքյան. Լավ կլինի, որ Վեհափառից ներողություն խնդրեն «Կարծում եմ, որ սա մեծ հարված է մեր հեղինակությանը»,–ասել է նա OVIO-ն պաշտոնապես գործարկել է ՀՀ-ում խոշորագույն և ամենահզոր Տվյալների մշակման կենտրոնը Ամպային ծառայությունները ընկերության առաջարկների շարքում առանցքային տեղ կզբաղեցնեն Փաշինյան․ Ոստիկանները Սարդարապատում փորձել են ճշտել՝ Վեհափառը եկել է շարունակելո՞ւ սադրիչ գործողությունները «Նրա կողմից ղեկավարվող շարժումը խոչընդոտներ ստեղծելու պայմաններ էր ձևավորել»,- ասել է նա Մարության. Իմ զորակցությունը և որդիական խոնարհումն եմ հայտնում Առաքելական սուրբ եկեղեցուն «Ամենայն հայոց կաթողիկոսի ճանապարհը փակելու դեպքը իսկապես ցնցող է»,–գրել է նա |