Վարչապետ. ԼՂ հարցում ՀՀ դիրքորոշումը լինելու է իրավիճակին համարժեք 6 մարտի 2019 - 18:02 AMT PanARMENIAN.Net - ՀՀ ԱԺ-ում կառավարության անդամների հետ հարցուպատասխանի ընթացքում ՀՀ վարչապետ Նիկոլ Փաշինյանը հայտարարել է, որ Լեռնային Ղարաբաղի հարցում Հայաստանի դիրքորոշումը լինելու է իրավիճակին համարժեք: «Կան գնահատականներ, որ Հայաստանը Ղարաբաղի հարցի բանակցային գործընթացում իր դիրքորոշումը կոշտացրել է, բայց ես կարող եմ ասել՝ մեր կառավարության դիրքորոշումը չի փոխվել: Մենք հայտարարել ենք, որ ԼՂ հարցի ցանկացած լուծում պետք է ընդունելի լինի Հայաստանի, Արցախի և Ադրբեջանի ժողովուրդների համար։ Այս հայտարարությունն արվել է՝ բանակցային նորմալ մթնոլորտ ստեղծելու համար, և Հայաստանն, ըստ էության, արել է առաջին քայլը՝ հույս ունենալով, որ համանման հայտարարություն կհնչի նաև ադրբեջանական կողմից»,- ասել է Փաշինյանը։ Նա նշել է, որ, առ այսօր ադրբեջանական կողմից ակնարկներ են արվում ուժով կամ ռազմական ճանապարհով հարցերը լուծելու պատրաստակամության և հնարավորության մասին։ «Արվում են հայտարարություններ, որոնք ակնհայտ են դարձնում, որ Ադրբեջանի կառավարությունը չի էլ մտածում, որ հարցի կարգավորման որևէ տարբերակ պետք է ընդունելի լինի Արցախի և Հայաստանի ժողովուրդների համար»,- ասել է վարչապետը։ Ավելի վաղ Բելգիայում ՀՀ վարչապետ Նիկոլ Փաշինյանի և Եվրոպական հանձնաժողովի նախագահ Ժան-Կլոդ Յունկերի համատեղ ասուլիսի ընթացքում, վարչապետն անդրադառնալով Արցախյան հիմնախնդրին, ասել է, որ Ադրբեջանի նախագահ Իլհամ Ալիևի հետ «առաջիկա հանդիպումը նվիրված է լինելու բանակցային ֆորմատի շուրջ քննարկումներին»: ՀՀ կառավարության տեղեկատվության և հասարակայնության հետ կապերի վարչության փոխանցմամբ, Փաշինյանն ասել է, որ ադրբեջանական կողմի հետ շփումները կրել են ոչ պաշտոնական բնույթ: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Երևանի մանկապարտեզներում տեսախցիկներ կդրվեն․ Մոտ 135 մլն դրամ կպահանջվի Նախատեսվում է մինչև 1700 տեսահսկման կետ ունենալ Բռնցքամարտիկ Չալոյանն օլիմպիական ուղեգիր է նվաճել Չալոյանը հանդես է գալիս գերծանր քաշային կարգում «Զվարթնոցում» հացադուլ անող ֆրանսահայ լրագրող Նիկոլյանը մեկնել է Փարիզ Նա նշել է, որ Փարիզ հասնելուն պես իրեն դիմավորել են զինված ոստիկաններն ու բերման են ենթարկել Լոռու մարզպետ. Հանգանակությունների կարիք չկա` կառավարությունն ի զորու է լուծել բնկաչության կարիքները Գույքագրման աշխատանքները դեռ չեն ավարտվել |