Դիրքապահների ծառայությունը կարող է կրճատվել, մյուսներինը՝ ավելանալ21 մարտի 2019 - 14:05 AMT PanARMENIAN.Net - Կառավարության մարտի 21-ի նիստում ՀՀ պաշտպանության նախարար Դավիթ Տոնոյանը հայտնել է, որ նախարարությունը քննարկում է մարտական հերթապահությանն ընդգրկված ժամկետային զինծառայողների պարտադիր ծառայության 24-ամսյա ժամկետը կրճատելու, իսկ մարտական հերթապահությանը չընդգրկված զինծառայողների պարտադիր ծառայության ժամկետն ավելացնելու հնարավորությունը: Նախարարը կառավարության նիստում ներկայացրել է նաև Զինվորական ծառայության և զինծառայողի կարգավիճակի մասին օրենքում փոփոխություններ և լրացումներ կատարելու նախագիծը։ Դրանով հստակեցվում են պարտադիր զինվորական ծառայության զորակոչի և պայմանագրային զինվորական ծառայության կազմակերպման, զինծառայողների և նրանց հավասարեցված անձանց սոցիալական երաշխիքների ապահովման հետ կապված մի շարք հարաբերություններ։ «Մասնավորապես, նախագծի երկրորդ հոդվածով նախատեսվույմ է քաղաքացուն պարտադիր զինվորական ծառայությունից ազատելու դիմումը կառավարոթւյան լիազոր պետական մարմնի կողմից մերժելու հնարավորությունը: Խոսքը վերաբերում է հիմնականում 26 տարին լրացած զինածառայողներին, որոնք մի քանի տարկետումների արդյունքում հասնում են 26 տարեկանի», - ասել է նախարարը: Նախագծի երրորդ հոդվածի համաձայն՝ պարտադիր զինվորական ծառայության զորակոչից տարկետման իրավունք է սահմանված միջին մասնագիտական կրթական ծրագրով սովորող անձանց համար: Չորրորդ հոդվածով նախատեսվում է, որ միաժամանակ զորակոչվող եղբայրների կողմից նույն զորամասում ծառայության նշանակվելու ցանկության դեպքում վիճակահանությանը մասնակցում է միայն մեկ եղբայրը։ «Իսկ ծառայության մեջ գտնվող եղբայր ունեցող զորակոչիկը եղբոր ծառայության վայր կարող է նշանակվել, եթե բավարարում է տվյալ զորամասում ծառայության նշանակվելու պայմանները, օրինակ, առոջաղական վիճակ, պատվոպահակային վաշտ, նվագախումբ և այլն», - ասել է նախարարը։ Մի շարք հոդվածներով հստակեցվում են պայմանագրային զինվորական ծառայություն անցնելու ժամկետները, վերականգնվում է նախկինում գործող պայմանագրային զինվորական ծառայության ընդունելու տարիքը։ «Նախկինում 40-ը իջեցվել էր 36-ի, վերականգնում ենք 40 տարեկանը», - ասել է Տոնոյանը։ Նախագծով հնարավորություն է տրվում մատչելի և երկարաժամկետ հիփոթեքային վարկավորման ծրագրին ընդգրկվել նաև ավագ ենթասպայական կազմի զինծառայողներին, իսկ մարտական գործողությունների մասնակցի կարգավիճակ տալու գործընթացը նախատեսվում է իրականացնել ՀՀ վարչապետի որոշմամբ ստեղծվող միջգերատեսչական հանձնաժողովի կողմից, իսկ այդ կարգավիճակի շնորհումը՝ ՀՀ պաշտպանության նախարարի հրամանով: «Զինծառայողների և հաշմանդամության զինվորական կենսաթոշակի իրավունք ունեցող զինծառայողների և զոհված (մահացած) զինծառայողների բնակարանային ապահովության իրավունքի իրացման շրջանակներում վերացվում է թերկարգավորումը, քանի որ բնակարանային ապահովությունն ընդգրկում է ոչ միայն սեփականության իրավունքով անհատույց բնակարանի տրամադրումը, այլ նաև անհատույց պետական ֆինանսական աջակցության և տնամերձ հողամասով ապահովման ձևերը», - նշել է նախարարը։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Միրզոյանը պաշտոնական այցով կայցելի Հունգարիա Նա հանդիպումներ կունենա Հունգարիայի բարձրաստիճան պաշտոնյաների հետ ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի |