 Ալիև. Ձևաչափը չի փոխվել՝ բանակցում են ՀՀ-ն ու Ադրբեջանը 30 մարտի 2019 - 10:57 AMT PanARMENIAN.Net - Ադրբեջանի նախագահ Իլհամ Ալիևը հայտարարել է, որ ԼՂ հարցով բանակցությունների ձևաչափը շարունակում է մնալ անփոփոխ: «Կարևոր եմ համարում, որ բանակցությունների ձևաչափը չի փոխվել: Բանակցություններն ընթանում են Հայաստանի և Ադրբեջնի միջև, ինչպես եղել է տարիներ շարունակ»,-հայտարարել է Ալիևը ՀՀ վարչապետ Նիկոլ Փաշինյանի հետ Վիեննայում կայացած հանդիպումից հետո: Ըստ նրա, ՀՀ և Ադրբեջանի ԱԳ նախարարներին հանձնարարվել է, որ «առաջիկայում հանդիպեն, շարունակելու համար բանակցային գործընթացը, որը պետք է միտված լինի արդյունքի»: «Ինչպես գիտեք, ԱԳ նախարարները բանակցությունների մի քանի ռաունդ են անցկացրել: Հանդիպումը կարևոր է նրանով, որ նոր մեկնարկ է տվել բանակցային գործընթացին հարցի էության շուրջ»,-ասել է Ալիևը, հայտնում է ՏԱՍՍ-ը: Անդրադառնալով վստահության ամրապնդմանը՝ նա ասել է, որ դա կարող է լինել մարդկանց միջև շփումների ձևով: Ալիևն ասել է, որ Բաքվի համար առաջնայինն այն է, որ «Երևանն անհապաղ դուրս բերի իր զինված ուժերը Ադրբեջանի գրավյալ տարածքներից»: Աշխատանքային այցով Ավստրիայում գտնվող վարչապետ Նիկոլ Փաշինյանը Վիեննայում Հայաստանի դեսպանությունում հայ համայնքի ներկայացուցիչների հետ հանդիպմանն ասել է, որ չի կարող ասել, որ բանակցային գործընթացում տեղի է ունեցել հեղափոխություն, բայց կարևոր է, որ սկսվել է մի պրոցես, որը հնարավորություն է տալիս խոսել գործընթացի մասին: Հղումներ թեմայով.   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
