Պորոշենկոն հաջողություն է մաղթել Փաշինյանին

PanARMENIAN.Net - Ուկրաինայի նախագահ Պյոտր Պորոշենկոն իր ողջույնն է փոխանցել է ՀՀ վարչապետ Նիկոլ Փաշինյանին և հաջողություն մաղթել նրան: Այդ մասին նա ասել է Կիևի «Օլիմպիյսկի» մարզադաշտում, ուր ժամանել էր Ուկրաինային նախագահության մեկ այլ թեկնածու Վլադիմիր Զելենսկու հետ բանավիճելու, սակայն Զելենսկին չէր ներկայացել:

Պատասխանելով լրագրողի հարցին՝ Պորոշենկոն նշել է, որ միջազգային հարթակներում մի քանի անգամ հանդիպել է Փաշինյանի հետ և հույս է հայտնել, որ «Փաշինյանի մոտ ամեն ինչ կստացվի»՝ նկատի ունենալով տնտեսական բարեփոխումները:

Մարտի 31-ին Ուկրաինայում կայացած նախագահական ընտրությունների արդյունքում հաղթել է դերասան Վլադիմիր Զելենսկին, նա ստացել է ձայների 30,22 տոկոսը: Գործող նախագահ Պյոտր Պորոշենկոն ստացել է ձայների 15,93 տոկոսը և նույնպես դուրս է եկել երկրորդ փուլ: Թեկնածուները «Օլիմպիական» մարզադաշտում պետք է բանավիճեին ապրիլի 14-ին, սակայն, ավելի ուշ Զելենսկին հայտարարեց, որ բանավեճը պետք է լինի ապրիլի 19-ին: