«Արսենալ». Բազում երկրպագուներ չեն տեսնի եզրափակիչը Բաքվում անցկացնելու պատճառով16 մայիսի 2019 - 15:05 AMT PanARMENIAN.Net - Լոնդոնի «Արսենալ» ֆուտբոլային ակումբը հանդես է եկել հայտարարությամբ՝ քննադատելով Եվրոպայի լիգայի եզրափակիչ «Արսենալ»-«Չելսի» հանդիպումը Բաքվում անցկացնելու ՈւԵՖԱ որոշումը: Հանդիպումը տեղի կունենա մայիսի 29-ին: Ակումբը նշել է, որ բազում բողոքներ է ստանում երկրպագուներից և խնդրում է ՈւԵՖԱ-ին պարզաբանել, թե ինչ սկզբունքով են ընտրվում ստադիոնները նման մեծ մրցումների անցկացման համար: Ակումբի պաշտոնական կայքում հրապարակված հայտարարության մեջ տարակուսանք է հայտնվում երկրպագուներին հատկացված տոմսերի սակավության վերաբերյալ: «Մենք չափազանց հիասթափված ենք, քանի որ տրանսպորտային սահմանափակումների պատճառով ՈւԵՖԱ-ն «Արսենալին» ընդամենը 6000 տոմս է տրամադրել ավելի քան 60 000 տեղանոց ստադիոնում: Ժամանակը ցույց կտա՝ կկարողանան արդյոք այդ 6000-ը լինել «Արսենալի» խաղին՝ հաշվի առնելով Բաքու մեկնելու հետ կապված բարդ խնդիրները»,-ասվում է հայտարարության մեջ: Ակումբի մամուլի ծառայությունը նշում է, որ ՈւԵՖԱ-ն սխալ որոշում է կայացրել, հաշվի առնելով, որ «Արսենալը» տարեկան ունի մոտ 45 000 բաժանորդ: «Բազում երկրպագուներ բաց կթողնեն խաղը նման սահմանափակ տրանսպորտային ապահովմամբ վայր ընտրելու պատճառով՝ դա ուղղակի սխալ է»,-ասվում է հայտարարության մեջ: Ավելի վաղ Ադրբեջանի ԱԳՆ մամուլի քարտուղար Լեյլա Աբդուլլաևան հայտնել էր, որ Հայաստանի հավաքականի և Լոնդոնի «Արսենալի» կիսապաշտպան Հենրիխ Մխիթարյանը կարող է մասնակցել Բաքվում կայանալիք Եվրոպայի լիգայի եզրափակիչ խաղին, չնայած ՀՀ և Ադրբեջանի միջև լարվածությանը: ՈւԵՖԱ-ն իր հերթին հայտարարել էր, որ Մխիթարյանը կարող է անարգել մուտք գործել Ադրբեջան՝ մասնակցելու ԵԼ եզրափակիչ խաղին: 2015-ին Մխիթարյանը Դորտմունդի «Բորուսիայի» կազմում չի մասնակցել ադրբեջանական «Գաբալայի» (3:1) հետ արտագնա խաղին, իսկ 2018-ին «Արսենալի» կազմում չի մասնակցել ադրբեջանական «Ղարաբաղի» (3:0) հետ հանդիպմանը Եվրոպայի լիգայի խմբային մրցաշարի շրջանակում: Ընթերցեք նաև.Բուքմեյքերները խաղադրույքներ են ընդունում Մխիթարյանի` Բաքու մեկնելու վերաբերյալ Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |