Բալասանյան. Ցավում եմ, որ Արցախի 2 նախագահի երաշխավորությունը հակահեղափոխական քայլ է որակվել17 մայիսի 2019 - 11:42 AMT PanARMENIAN.Net - Արցախի Հանրապետության անվտանգության խորհրդի քարտուղար Վիտալի Բալասանյանն ասել է՝ ցավում է, որ ԱՀ նախագահ Բակո Սահակյանի և երկրորդ նախագահ Արկադի Ղուկասյանի՝ Մարտի 1-ի գործով մեղադրյալ ՀՀ երկորդ նախագահ Ռոբերտ Քոչարյանի կալանքը փոխելու համար տված անձնական երաշխավորությունը որպես հակահեղափոխական քայլ է ընդունվել: «Ցավում եմ, որ ոմանց կողմից դա ընդունվեց որպես հակահեղափոխական քայլ և հույս ունեմ, որ այն կգտնի համարժեք պատասխան: Տարբեր հարցերի շուրջ մեր մոտեցումները կարող են շատ տարբեր լինել, բայց մենք կողմնակից ենք Հայաստանի և Արցախի իշխանությունների միջև համերաշխ և կառուցողական հարաբերություններին: Կցանկանայի հիշեցնել անցած տարվա հունիսին նախագահ Բակո Սահակյանի նամակը՝ ուղղված Նիկոլ Փաշինյանին, որով անվերապահ աջակցություն էր հայտնում նրան Արցախի իշխանությունների կողմից: Երբևիցե Արցախի որևէ նախագահ, Հայաստանի Հանրապետության թե երկրորդ և թե երրորդ նախագահներին այդպիսի գրավոր աջակցություն չի ներկայացրել», - ասել է Բալասանյանը «Արցախպեսսի» հետ զրույցում: Նա նշել է, որ Փաշինյանի կատարած սիրո, համերաշխության և համախմբվածության հեղափոխության ֆոնին ստեղծված իրավիճակին Արցախը ցուցաբերել է համապատասխան վերաբերմունք և կառուցել հարաբերություններն այդ շրջանակում: «Հիմա կարո՞ղ եմ հարց տալ պարոն վարչապետին. ի՞նչ կամ ո՞ւմ նկատի ուներ՝ ասելով, որ Արցախում հակահեղափոխական տրամադրություններ կան»,- ասել է Բալասանյանը: Ավելի վաղ Հայաստանի Հանրապետության վարչապետ Նիկոլ Փաշինյանն անդրադարձել է Արցախը հակահեղափոխության օջախի վերածելու մասին խոսակցություններին: «Մամուլում շատ է գրվում, թե ոմանք փորձում են Արցախը դարձնել հակահեղափոխության օջախ: Արցախյան վերջին այցից կիսեմ տպավորություններս. եթե ոմանք փորձեն Արցախը դարձնել հակահեղափոխության օջախ, Արցախի ժողովուրդը այն կդարձնի հեղափոխության օջախ», - գրել է վարչապետը ֆեյսբուքյան իր էջում: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |