Բարսելոնայի իշխանությունները 137 տարի անց Սագրադա Ֆամիլիայի շինթույլտվություն են տվել10 հունիսի 2019 - 17:06 AMT PanARMENIAN.Net - Բարսելոնայի իշխանությունները հիմնարկեքից 137 տարի անց հայտնի Սագրադա Ֆամիլիայի շինարարության թույլտվություն են տվել: Հունիսի սկզբին տաճարի աշխատակազմը արտոնագիր է ստացել, որի համաձայն թույլատրվում է շինարարական աշխատանքներ իրականացնել մինչև 2026 թվականը: Գաուդիի հեղիանակած եկեղեցու շինարարությունը շարունակվելու է նրա նկարների պատճենների և գիպսե մանրակերտի հիման վրա, գրում է Bird in Flight-ը BBC-ի վրա հղումով: Ամեն տարի մոտ 4,5 մլն մարդ է այցելում Սագրադա Ֆամիլիա և ևս 20 մլն անցնում է շրջակայքով՝ հիանալով դրա տեսքով: Բարսելոնայի քաղաքապետի խորհրդական Ջանեթ Սանցը նշել է, որ այդ համաձայնագիրը վերջ կդնի «քաղաքում ստեղծված պատմական անոմալիային»: 2018-ի հոկտեմբերին Բարսելոնայի քաղաքապետարանը և Սագրադա Ֆամիլիայի վարչակազմը պայմանավորվել են 36 մլն եվրո տուգանք վճարելու մասին, քանի որ 137 տարի շարունակ շինարարությունն իրականացվել է առանց քաղաքային իշխանությունների թույլտվության: Գումարը կվճարվի 10 տարվա ընթացքում: Ստացված միջոցները կուղղվեն եկեղեցու շրջապատի բարեկարգմանը: Սագրադա Ֆամիլիան ընդգրկված է ՅՈւՆԵՍԿՕ-ի համաշխարհային ժառանգության ցանկում և կատալոնացի ճարտարապետ Անտոնիո Գաուդիի ամենահայտնի ստեղծագործությունն է: Գաուդին մահացել է 1926-ին՝ նա հասցրեց ավարտել միայն ճակատային մասն ու զանգակատներից մեկը: Եկեղեցու շինարարությունը դադարեցվել է պատերազմի տարիներին՝ Քաղաքացիական և Երկրորդ համաշխարհային պատերազմների ժամանակ: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Բագրատ սրբազանն աջակիցների հետ գիշերել է Սարդարապտում․ Նա 2 պատճառ է նշել՝ ինչու Փաշինյանը չի այցելել հուշահամալիր Բագրատ սրբազանը և շարժման կողմնակիցները մայիսի 27-ին ավտոերթով մեկնել էին Սարդարապատ Տավուշի և Լոռու` հեղեղումներից տուժած համայնքները հայտարարվել են աղետի գոտի Կառավարությունը որոշում է ընդունել Սանոսյան․ Կա 5 գոտի, որտեղ ավերվածություններն էական են, 9 բնակավայր Ալավերդիի հետ կապի խնդիր ունի Ամենամեծ վնասները հիմնականում Ալավերդիից դեպի Բագրատաշեն ուղղությամբ է արձանագրվել Սիֆրեդին՝ Փաշինյանին․ Ֆրանսիայի Օ-դը-Սենի շրջանը պատրաստ է աջակցել ջրհեղեղից տուժած Տավուշին Փաշինյանը կարևորել է ենթակառուցվածքները վերականգնելու ուղղությամբ փոխգործակցությունը |