ՀՀ ԱԳ նախարարը ՆԱՏՕ-ի ԽՎ-ի ղեկավարին է ներկայացրել ղարաբաղյան հակամարտության կարգավորման հեռանկարները18 սեպտեմբերի 2008 - 15:17 AMT PanARMENIAN.Net - Սեպտեմբերի 17-ին ՀՀ ԱԳ նախարար Էդվարդ Նալբանդյանն ընդունեց Հյուսիս Ատլանտյան Դաշինքի Խորհրդարանական վեհաժողովի նախագահ Ժոզե Լելոյին: Այդ մասին PanARMENIAN.Net ին են հաղորդել ՀՀ ԱԳՆ մամլո ծառայությունում: Նախարար Նալբանդյանը կարեւորեց ՀՀ-ՆԱՏՕ կապերի ամրապնդումը խորհրդարանական շփումների ձեւաչափով եւ այդ համատեքստում վստահություն հայտնեց, որ Ժոզե Լելոյի գլխավորած պատվիրակության այցը կնպաստի ՀՀ Ազգային ժողովի եւ ՆԱՏՕ-յի Խորհրդարանական վեհաժողովի միջեւ համագործակցության զարգացմանը:Էդվարդ Նալբանդյանը նշեց, որ Հայաստանը կարեւոր նշանակություն է տալիս ՆԱՏՕ-ի հետ փոխշահավետ համագործակցության ամրապնդմանը, ինչի վկայությունն է հայկական կողմի մասնակցությունը մի շարք ծրագրերի «Գործընկերություն հանուն խաղաղության» ծրագրի շրջանակներում: Զրուցակիցները քննարկեցին տարածաշրջանում անվտանգության եւ կայունության ապահովման հետ կապված հարցեր: Նախարար Նալբանդյանը ներկայացրեց հայկական կողմի տեսակետները Հարավային Կովկասում վերջին իրադարձությունների կապակցությամբ: Հյուրի խնդրանքով ՀՀ արտաքին գերատեսչության ղեկավարը ներկայացրեց ԼՂ հիմնահարցի կարգավորման բանակցային գործընթացի առկա վիճակն ու հեռանկարները, ինչպես նաեւ անդրադարձավ հայ-թուրքական հարաբերություններում վերջին զարգացումներին: Ուշագրավ Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Ամենաընթերցվողը բաժնում | Փոխնախարար. Տավուշում ծառայում են սահմանապահները՝ 3-րդ բանակային կորպուսն իր խնդիրներն ունի Նա նշել է, որ դա սահմանապահ զորքերի հսկողության գոտի է Ալիև․ ԵՄ 3 երկիր սառը պատերազմ է հայտարարել Ադրբեջանի դեմ Նա քննադատել է ԵՄ–ին, գովել Հունգարիային Գալուզին․ ՌԴ դեսպանը շուտով կվերադառնա Երևան Նա նշել է, որ մտադիր չեն նվազեցնել ՀՀ հետ դիվանագիտական հարաբերությունների մակարդակը Առաջարկ․ ՀՀ–ում ամուսնության տարիքային նվազագույն շեմը սահմանել 18 տարեկանը՝ առանց բացառությունների Առաջարկը ներկայացրել է Ռուստամ Բաքոյանը |