Վարչապետ. ՀՀ-ի բոլոր թշնամիներն անվերապահ պարտվելու են, ներքին, թե արտաքին 21 հունիսի 2019 - 11:50 AMT PanARMENIAN.Net - Ոստիկանության զորքերի կազմավորման օրվա առթիվ Ոստիկանության գլխավոր վարչությունում տեղի ունեցած հանդիսավոր արարողությանը ՀՀ վարչապետ Նիկոլ Փաշինյանը հայտարարել է, որ «Հայաստանի բոլոր թշնամիներին, ներքին, թե արտաքին, սպասվում է անվերապահ պարտություն»: Փաշինյանն ասել է, որ Հայաստանի արտաքին անվտանգության պաշտպանության գործում հայ ժողովուրդը պետք է լինի միասնական, իսկ երկրի ներքին անվտանգության պատկերացումը նույնպես կապված է այս գաղափարի հետ, քանի որ ոստիկանության զորքերը կոչված են կանխելու երկրի ներսում բռնության որևէ դրսևորում: «Պետք է ունենանք բռնությունից զերծ հանրություն, որտեղ տեղ չունի բռնությունով հարց լուծելու որևէ մտայնություն, որևէ քարոզչություն: Այս պատկերացումը մենք ամեն օր հետևողական կյանքի ենք կոչում և կյանքի ենք կոչելու: Սիրո և համերաշխության մթնոլորտ ձևավորելու մեր անմնացորդ ձգտումը ոմանք փորձում են մեկնաբանել որպես թուլություն: Ուզում եմ հստակ հայտարարել՝ որևէ մեկի մոտ կասկած չառաջանա, որ ՀՀ կառավարությունը երկչոտության որևէ դրսևորում կամ կամքի պակաս կունենա սահմանադրական կարգը, քաղաքացիների իրավունքն ու ազատությունը, ժողովրդավարությունը պաշտպանելու գործում: Մեր կամքը չի սասանվի, ձեռքը չի դողա բոլոր նրանց նկատմամբ, ովքեր կփորձեն ՀՀ-ում վերածնել բռնության քարոզչությունը և գործելակերպը»,-ասել է Փաշինյանը: ՀՀ վարչապետը նշել է, որ նույն սկզբունքն է գործում Արցախի սահմանների պաշտպանության գործում: «Մենք կողմնակիցն ենք տարածաշրջանում տևական և կայուն խաղաղություն հաստատելուն: Բայց եթե կլինեն ուժեր, որ մեր այս մղումը կփորձեն մեկնաբանել որպես թուլության դրսևորում, ապա կստանան մեր հավաքական կամքի, ուժի վճռական հակահարվածը: Եվ այդ հակահարվածը կհեղինակեն նաև ոստիկանության այն ծառայողնները, որոնք կանգնած են հայ ժողովրդի անվտանգության պաշտպանության դիրքերում: Որևէ թշնամի չի կարող սասանել մեր միասնությունը: Ներքին, թե արտաքին Հայաստանի բոլոր թշնամիներին սպասվում է անվերապահ պարտություն»,-հավելեց Նիկոլ Փաշինյանը: Օրվա առթիվ ՀՀ ոստիկանության զորքերի մի խումբ ծառայողներ պարգևատրվել են ՀՀ վարչապետի, ՀՀ պաշտպանության նախարարի, ՀՀ ոստիկանության պետի կողմից:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
