ՊԵԿ-ը գերակատարել է հարկային եկամուտների հավաքագրման ծրագրային ցուցանիշը 9 հուլիսի 2019 - 13:57 AMT PanARMENIAN.Net - 2019-ի առաջին կիսամյակում փաստացի հավաքագրված հարկային եկամուտները կազմել են 713.4 մլրդ դրամ, ինչի արդյունքում մոտ 63 մլրդ դրամով կամ 9.6 %-ով գերակատարվել է բյուջեով նախատեսված ծրագրային ցուցանիշը: Այս մասին լրագրողների հետ հանդիպման ժամանակ ասել է Պետական եկամուտների կոմիտեի նախագահ Դավիթ Անանյանը: ՊԵԿ նախագահի խոսքով՝ տարվա երկրորդ եռամսյակը միշտ համարվել է հարկային եկամուտների կատարման առումով ամենաարդյունավետ շրջանը, քանի որ դրանում են ներառված ապրիլ և հունիս ամիսները: «Ապրիլը շահութահարկի և ռոյալթիի տարեկան հաշվարկների ներկայացման ամիսն է, հետևաբար, ապրիլին ունենում ենք ամենաբարձր հարկային եկամուտների ապահովվածության ցուցանիշը, հունիսին էլ շահութահարկի և ռոյալթիի եռամսյակային կանխավճարների կատարման ամիսն է»,- ասել է Դավիթ Անանյանը, հայտնում է Panorama.am-ը: Անդրադառնալով վարչապետի այն հայտարարությանը, թե հարկային եկամուտների հավաքագրման ծրագրային ցուցանիշը գերակատարելու են 62 մլրդ դրամով, ՊԵԿ նախագահն ասել է, որ հիմա պետք է ուղղակի արձանագրեն, որ տարվա համար նախապես կանխատեսված գերակատարումը կատարվել է կիսամյակով: «Իհարկե, սա չի նշանակում, որ երրորդ կամ չորրորդ եռամսյակում մենք աննախադեպ գերակատարման այս տենդենցը պետք է պահենք: Ու եթե ճիշտ սահմանված համամասնություն ունենայինք, մենք առաջին կիսամյակում կունենայինք 23 մլրդ գերակատարում, երրորդ եռամսյակում՝ 15 մլրդ, իսկ չորրորդում՝ 25 մլրդ դրամ գերակատարում: Ընդհանուր հանրագումարային մենք մոտ 63 մլրդ դրամ գերակատարումը կապահովեինք»,- ասել է նա: Հղումներ թեմայով. Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |