Հայ-բրիտանական գործարար պալատ. Լիդիան Արմենիայի հարցի լուծման ձգձգումը տնտեսապես վնասում է նաև ՀՀ-ին12 հուլիսի 2019 - 11:24 AMT PanARMENIAN.Net - Հայ-բրիտանական գործարար պալատը հայտարարել է, որ Լիդիան Արմենիայի հարցի լուծման ձգձգումը տնտեսապես վնասում է ոչ միայն ընկերությանը, այլ նաև պետությանը: Ամուլսարի շահագործման իրավունք ունեցող Լիդիան Արմենիա ընկերությունը հայ-բրիտանական գործարար պալատի անդամ է: Հայ-բրիտանական գործարար պալատն իր ֆեյսբուքյան էջում անդրադարձել է Ամուլսարի խնդրին՝ արձագանքելով Ազգային ժողովի նիստում ՀՀ ԱԺ տնտեսական հարցերի մշտական հանձնաժողովի նախագահի եւ Շրջակա միջավայրի նախարարի քննարկմանը: Պալատը հիշեցնում է, որ ամիսներ շարունակ Լիդիան Արմենիայի գործունեությունը կասեցված է՝ վերջնական որոշման ակնկալիքով: «Մենք հավատում ենք օրենքի գերակայությանը, բոլոր ձեռնարկությունների նկատմամբ արդար վերաբերմունքին և պրոֆեսիոնալիզմին: Ընկերությունները, որոնք գործունեություն են ծավալում զգայուն ոլորտներում, պետք է համապատասխանեն միջազգային ամենաբարձր չափանիշներին և տեղական օրենքներին: Այն ընկերություններին, որոնք համապատասխանում են այդ չափանիշներին, կառավարությունը պետք է տա որոշակի երաշխիքներ՝ ապահովելով նրանց անխափան գործունեությունը: Տարաձայնությունների և խնդիրների հավասարակշռված և պրոֆեսիոնալ լուծումը միայն կարող է ապահովել պետության տնտեսական աճն ու բարձրացնել ներդրողների վստահությունը: Հուսով ենք, որ այս խնդիրը լուոծում կգտնի առանց հետագա ձգձգումների»,- ասված է գրառման մեջ: Ավելի վաղ Քննչական կոմիտեն ստացել է Ամուլսարի ոսկեբեր քվարցիտային հանքի շահագործման նպատակով նշանակված համալիր փորձաքննության՝ ջրային ռեսուրսների և երկրաբանության վրա ազդեցության գնահատման նախնական եզրակացությունը, որը բաղկացած է 150 էջից և այս պահին գտնվում է թարգմանության փուլում: Կոմիտեի վարույթում գտնվող քրեական գործով նշանակված փորձաքննության համար ՀՀ կառավարությունը պայմանագիր էր կնքել Earth link & Advanced Resources Development (ELARD) միջազգային հավատարմագրված ընկերության հետ՝ փորձաքննության համար վճարելով $396,900։ Հղումներ թեմայով. Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |