  Երեւանում մեկնարկել են ՆԱՏՕ-ի «Cooperative Longbow/Lancer-2008» զորավարժությունները29 սեպտեմբերի 2008 - 16:17 AMT PanARMENIAN.Net - «Խաղաղությունն ու կայունությունը Հայաստանի համար առանձնահատուկ արժեքներ են Հայաստանի համար եւ այդ համատեքստում ՆԱՏՕ-ի «Cooperative Longbow/Lancer-2008» զորավարժությունները մենք դիտարկում ենք որպես տարածաշրջանային վստահության ամրապնդման միջոց»,-այսօր «Cooperative Longbow/Lancer-2008» զորավարժությունների պաշտոնական բացման արարողության ժամանակ հայտարարել է ՀՀ պաշտպանության նախարար Սեյրան Օհանյանը: Նրա խոսքերով, Հայաստանը միշտ պատրաստակամությամբ է ընդունում իր տարածքում ցանկացած միջազգային զորավարժություն անցկացնելու առաջարկ եւ ջանք չի խնայում դրանք պաշաճ մակարդակով անցկացնելու համար: «Զորավարժությունների անցկացումը մեկ նպատակ ունի` հնարավորինս բարձրացնել մեր կարողությունները խաղաղապահ ոլորտում, հղկել դրանց կատարման մեխանիզմները»,-ասել է Ս.Օհանյանը: Իր հերթին Եվրոպայում ՆԱՏՕ-ի ցամաքային զորքերի բաղադրիչ հրամանատարության հրամանատարի տեղակալ, գեներալ-լեյտենանտ Ջեկ Գարդները շնորհակալություն է հայտնել հայկական կողմին նախապատրաստական աշխատանքները պատշաճ մակարդակով կազմակերպելու համար եւ կոչ է արել մասնակիցներին որքան հնարավոր է շատ բան ուսանել զորավարժությունների ընթացքում: ՆԱՏՕ-ի «Cooperative Longbow/Lancer-2008» զորավարժությունները անցնում են «Գործընկերություն հանուն խաղաղության» ծրագրի եւ «Ստամբուլի համագործակցության նախաձեռնության» շրջանակներում: Զորավարժությունները կտեւեն մինչեւ 2008թ. հոկտեմբերի 20-ը: Զորավարժություններին կմասնակցեն 900 զինծառայողներ: Զորավարժությունների նպատակն է ՆԱՏՕ-ի ուժերի կառույցներում համատեղ գործողությունների հմտությունների մշակումը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
