Վարչապետը տնետուն շրջում է Ջերմուկում. Ամուլսարի աշխատանքը չպետք է ազդի հողի, ջրի կամ օդի մաքրության վրա (վիդեո) 23 օգոստոսի 2019 - 11:59 AMT PanARMENIAN.Net - Վարչապետ Նիկոլ Փաշինյանը Ջերմուկում է, նա այցելում է բնակիչներին՝ հետաքրքվում, թե ինչ կարծիք ունեն վերջիններս Ամուլսարի հանքի շահագործման վերաբերյալ: Նա ասել է ջերմուկցիներին, որ Ամուլսարի աշխատանքը չպետք է որևէ կերպ ազդի հողի, ջրի կամ օդի մաքրության վրա: Նա հավելել է, որ խնդիր է դրված, որ վտանգը լինի զրոյական: «Ըստ պլանի՝ լինելու են ամենշաբաթյա, ամենամսյա դիտարկումներ, սարի խոտը լաբորատոր հետազոտության պետք է ենթարկվի»,-ասել է նա: «Մինչև հեղափոխությունը էս փոքր սարի վրա 400 մլն դոլարի աշխատանք է արվել, 400 մլն դոլարի, դե պատկերացրեք՝ սարն ինչքան փոխված կլինի: Ուրիշ տարբերակ չունենք»,-ասել է նա: Անդրադառնալով փոշու խնդրին՝ Փաշինյանն ասել է, որ փոշու աղբյուրը պետք է գտնել, և եթե խնդիրը չվերացվի, հանքը «օրինական կերպով փակվում է»: Ջերմուկի բնակիչները հիմնականում դեմ են արտահայտվում հանքի շահագործմանը և ասում են, որ այն պետք է մնա և ծառայի որպես հանգստավայր, ոչ թե «բանվորական գոռոդոկ» դառնա: Ջերմուկցիների մի մեծ հատված, տեղեկանալով վարչապետի այցի մասին, հավաքվել է կենտրոնական փողոցում: Նրանք վանկարկում էին «Ամուլսարն առանց հանքի»: Դիմելով նրանց Փաշինյանն ասել է, որ մեկ տարի է ինչ ասում են՝ լսում է, ինչ գրում են՝ կարդում է, ինչ վիդեո կա՝ նայում է։ «Ամեն ինչ գիտեմ»,- ասել է նա: Ավելի վաղ վարչապետ Նիկոլ Փաշինյանն, իր ֆեյսբուքյան էջում անդրադառնալով Ամուլսարի շահագործման թեմային, հայտնել է, որ «Էլարդի» եզրակացությունը կուղարկվի Շրջակա միջավայրի նախարարություն՝ պարզելու նոր ՇՄԱԳԻ-ի կարիք կա արդյոք: «Կառավարության աշխատակազմը «Էլարդի» եզրակացությունը ուղարկում է Շրջակա միջավայրի նախարարություն:հետևյալ հանձնարարությամբ. պարզել արդյո՞ք եզրակացության մեջ կան տվյալներ, որոնք Հայաստանի օրենսդրության համաձայն Ամուլսարի հանքի շահագործման համար Շրջակա միջավայրի ազդեցության նոր գնահատում (ՇՄԱԳ) իրականացնելու անհրաժեշտություն են առաջացնում»,-ասվում է գրառման մեջ: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |